ساپار اياسىندا «Netafim» كومپانياسىنىڭ وڭىرلىك ديرەكتورى زوحار زيۆ, كيبۋتس يندۋسترياسى قاۋىمداستىعىنىڭ حالىقارالىق ساۋدا جونىندەگى ديرەكتورى ميحال زوران, سونداي-اق «Mapalagro», «AgroScout» جانە «Tal-Ya» اگروتەحنيكالىق كومپانيالارىنىڭ وكىلدەرى س. بۇرشاقوۆتى جوعارى تەحنولوگيالىق جىلىجايلارمەن جانە فەرمالارمەن جۇمىستا قولدانىلاتىن وزىق يرريگاتسيالىق شەشىمدەرمەن تانىستىردى.
ديپلومات ەلىمىزدىڭ اۋىل شارۋاشىلىعى سالاسىنداعى الەۋەتى مەن بىرلەسكەن ينۆەستيتسيالىق جوبالاردى ىسكە اسىرۋ مۇمكىندىكتەرىن اتاپ ءوتىپ, يزرايلدىك اگرارشىلاردى پرەزيدەنت قاسىم-جومارت توقاەۆتىڭ ەلىمىزدىڭ ينۆەستيتسيالىق تارتىمدىلىعىن ارتتىرۋعا, سونداي-اق ينۆەستورلاردى ۇكىمەت پەن وڭىرلەر تاراپىنان كەشەندى قولداۋمەن قامتاماسىز ەتۋگە باعىتتالعان رەفورمالارى تۋرالى حاباردار ەتتى.
ءوز كەزەگىندە, تامشىلاتىپ جانە ميكرو سۋارۋ نارىعىندا الەمدىك كوشباسشى سانالاتىن «Netafim» كومپانياسىنىڭ وكىلدەرى قازاقستانمەن ىنتىماقتاستىقتى دامىتۋعا, جىلىجايلار مەن سۋ شارۋاشىلىعى قۇرىلىسى سالاسىنداعى بىرلەسكەن جوبالاردى ىسكە اسىرۋعا قىزىعۋشىلىق تانىتتى.
وسىعان وراي 2023 جىلى قازاقستاننىڭ كەيبىر وڭىرلەرىنە بيزنەس-ميسسيالار ۇيىمداستىرۋ جوسپارلانۋدا.
