ءماجىلىس وتىرىسىنان كەيىن باس پروكۋرور جۋرناليستەردىڭ ساۋالدارىنا جاۋاپ بەردى.
«قاڭتار وقيعاسى بۇكىل حالىق ءۇشىن قاسىرەت بولدى. بۇنىڭ بارلىعى الدىن الا جوسپارلانعانى دا بەلگىلى. ۇيىمداستىرۋشىلار, ونىڭ ىشىندە ۇيىمداسقان قىلمىستىق توپتار, ەكسترەميستەر, سونىڭ ىشىندە تەرروريستىك ۇيىمدار ۇزاق ۋاقىت بويى دايىندالعان. تەرروريستىك ارەكەتتەر بويىنشا ەكى قىلمىستىق ءىستى سوتقا جىبەردىك», دەدى بەرىك اسىلوۆ.
باس پروكۋرورعا «كارىم ءماسىموۆتى باستى ۇيىمداستىرۋشى دەپ ەسەپتەۋىمىزگە بولا ما؟» دەگەن سۇراق قويىلدى.
«مەملەكەتتىك توڭكەرىس بولدى. باستى ۇيىمداستىرۋشىلار, جوعارىدا ايتقانىمداي, ۇلتتىق قاۋىپسىزدىك كوميتەتىنىڭ ءبىرىنشى باسشىلارىنا – ماسىموۆكە, ونىڭ ىشىندە دەپۋتاتتارعا دا قاتىستى قىلمىستىق ءىس قوزعالدى», دەدى اسىلوۆ.
باق وكىلدەرى «تەرگەۋ بويىنشا ءماسىموۆ باستى ۇيىمداستىرۋشى ما؟» دەپ سۇرادى.
ء«يا, سولاي ايتۋعا بولادى», دەپ جاۋاپ بەردى باس پروكۋرور.
