«كىشى الماتى باسسەينىندەگى ەدەلۆەيس شىڭى اۋدانىندا كولەمى 700 تەكشە مەترگە جۋىق قار كوشكىنى ءجۇردى. تۇسكەن قار ماسساسى «شىمبۇلاق-تۇيىق سۋ» جولىنا توقتاپ, جولدى جاۋىپ تاستادى. زارداپ شەككەندەر جوق. اۆتوجولدى تازالاۋ قازسەلدەنقورعاۋ كۇشتەرىمەن جۇرگىزىلدى», دەپ حابارلادى الماتى تجد.
قۇتقارۋشىلار قالا تۇرعىندارى مەن تۋريستەردەن قار كوشكىنىنە بايلانىستى تاۋعا بارۋدان باس تارتۋدى سۇرايدى. الماتى تاۋلارىندا - ۇلكەن جانە كىشى الماتى وزەندەرىنىڭ باسسەيندەرىندە جاۋىن-شاشىننىڭ تۇسۋىنە جانە قار جامىلعىسىنىڭ تۇراقسىز جاعدايىنا بايلانىستى قار كوشكىنى ءالى دە بولۋى مۇمكىن.
حالىقتىڭ قاۋىپسىزدىگىن قامتاماسىز ەتۋ ءۇشىن ۇلكەن الماتى كولى مەن شىمبۇلاققا اپاراتىن جولدار ۋاقىتشا جابىلىپ, بلوك-پوستتار قويىلدى.
