فوتو: polisia.kz
جەلتوقساننىڭ 25-ىنەن باستاپ پوليتسەيلەر تجد ازاماتتىق قورعاۋ ورگاندارىنىڭ قىزمەتكەرلەرىمەن بىرلەسە وتىرىپ, زاڭسىز پيروتەحنيكالىق زاتتاردى ساتۋ ورىندارىنا رەيد جۇرگىزىپ جاتىر. شارا باستالعالى سايكەستىك سەرتيفيكاتى جوق 1494 پيروتەحنيكالىق زات تاركىلەندى. پيروتەحنيكالىق بۇيىمداردى زاڭسىز ساتقانى ءۇشىن 20-دان استام تۇلعا اكىمشىلىك جاۋاپكەرشىلىككە تارتىلدى.
ماسەلەن, پوليتسيا قىزمەتكەرلەرى ءبىر كۇندىك رەيد بارىسىندا زاڭسىز ساتۋدىڭ 10 فاكتىسىن انىقتادى.
تۇركىستان كوشەسىندەگى ءۇيدىڭ اۋلاسىنان جۇرگىزۋشىسى پيروتەحنيكالىق زاتتاردى زاڭسىز ساتقان كولىك تابىلدى. 28 جاستاعى استانالىق تۇرعىننان 417 دانا پيروتەحنيكالىق بۇيىم تاركىلەندى. زاڭسىز ساۋدا جاساعانى ءۇشىن بارلىق ساتۋشىلارعا قر اقبتك-ءنىڭ 196 بابى بويىنشا اكىمشىلىك حاتتامالار تولتىرىلدى.
