ولاردىڭ ىشىندە جەتىم بالالار, ەرەكشە قاجەتتىلىكتەرى بار بالالار, اتا-اناسىنىڭ قامقورلىعىنسىز قالعان, الەۋمەتتىك از قامتىلعان, سول سياقتى كوپبالالى وتباسىلاردان شىققان بالالار, وقۋدا, سپورتتا, شىعارماشىلىقتا جەتىستىكتەرگە جەتكەن دارىندى بالالار بار.
بالالارعا ارنالعان ءتۇرلى-ءتۇستى شوۋ-قويىلىم, مۋلتفيلم كەيىپكەرلەرى جانە سۋپەر قاھارمانداردىڭ قاتىسۋىمەن ويىن-ساۋىق باعدارلاماسى ۇيىمداستىرىلدى. سونداي-اق بالالارعا كيىم-كەشەك, سپورت دورباسى, ويىنشىقتارى بار ءتاتتى سىيلىقتار ساتىپ الۋ ءۇشىن سەرتيفيكات تاپسىرىلدى.
استانا اكىمى جەڭىس قاسىمبەك بالالاردى كەلە جاتقان جاڭا جىل مەرەكەسىمەن قۇتتىقتادى.
«كەلە جاتقان جاڭا جىل مەرەكەسىمەن قۇتتىقتايمىن! ءاربىر وتباسىعا, ءار بالاعا زور دەنساۋلىق, باقىت, تابىس تىلەيمىن. بۇگىنگى شىرشا تويى بالالارىمىز ءۇشىن ارنايى ۇيىمداستىرىلدى. مەملەكەت باسشىسىنىڭ تاپسىرماسى بويىنشا بيىل بالالار جىلى بولىپ جاريالانعان بولاتىن. مەملەكەت بالالارىمىز بەن ولاردىڭ اتا-انالارىنا جاعداي جاساۋ ءۇشىن ايانباي ەڭبەك ەتىپ جاتىر.
ەلدىڭ بولاشاعى – بۇگىنگى بالالاردىڭ قولىندا. بالالار ءبىر جىل بويى بارىن سالدى, وقۋدا وزات بولدى. تىلەكتەرىڭىزدىڭ ورىندالۋىن, الداعى جوسپارلارىڭىزدىڭ ىسكە اسۋىن تىلەيمىن. جاڭا جىل قۇتتى بولسىن!», دەدى ەلوردا اكىمى جەڭىس قاسىمبەك.
جاڭا جىل قارساڭىندا ەلوردالىق بالالار ءۇشىن اۋدان اكىمدىكتەرىندە شىرشا تويى وتكىزىلەدى.
