سوڭعى مالىمەتتەر بويىنشا, بانكتەر 284 ملرد تەڭگەگە ءوتىنىم قابىلدادى, بۇل تولەنەتىن وتەماقىنىڭ ىقتيمال سوماسىنىڭ 85%-ىن قۇرايدى.
قدكبق توراعاسىنىڭ ورىنباسارى الماز قۇدايبەرگەنوۆ: «سىياقى الۋعا تالاپتانعان سالىمشىلاردىڭ ءبارى بىردەي ەدب-گە ءالى ءوتىنىش بەرگەن جوق. كوبىنەسە, ولار – شاعىن دەپوزيتتەردىڭ يەلەرى. وسىلايشا, ستاتيستيكالىق مالىمەتتەرگە سايكەس, سالىمشىلاردىڭ جارتىسىنان كوبى (54%) سوماسى 10 مىڭ تەڭگەدەن از شوت يەلەرى بولىپ تابىلادى – نەگىزىنەن, بۇل قاراجاتى ەڭ تومەنگى قالدىققا دەيىن الىنعان دەپوزيتتەر. كولەمىنە قاراماستان, باعدارلاما ەرەجەلەرىنە سايكەس كەلەتىن بارلىق دەپوزيت بويىنشا سىياقى ەسەپتەلەتىنىن اتاپ وتكىم كەلەدى», دەيدى.
سىياقى الۋ ءۇشىن سالىمشى 2023 جىلدىڭ 1 قاڭتارىنان كەشىكتىرمەي دەپوزيتى ورنالاستىرىلعان بانككە ءوتىنىش بەرۋ ارقىلى كەلىسىمىن راستاۋى قاجەت.
«سالىمشىلاردى وتەماقى مولشەرى از بولسا دا, تولەمدى الۋ قۇقىعىن پايدالانۋعا شاقىرامىن, سەبەبى ءوتىنىش بەرۋ ۇدەرىسىنىڭ ءوزى بىرنەشە مينۋتتى عانا الادى. بانكتەردىڭ كوپشىلىگى بۇل قىزمەتتى ءموبيلدى قوسىمشالاردا نەمەسە ەدب سايتىندا جۇزەگە اسىرادى», دەپ ءسوزىن تولىقتىردى ا.قۇدايبەرگەنوۆ.
وتەماقى تولەمدەرى 2023 جىلدىڭ 23 اقپانىنان كەيىن باستالادى. 10% وتەماقى الىنۋى مۇمكىن ەڭ جوعارى سوما 20 ميلليون تەڭگەنى قۇرايدى.
تولىق اقپاراتتى دەپوزيت ورنالاستىرىلعان بانكتەردەن الۋعا بولادى, نەمەسە سۇراقتارىڭىزدى info@kdif.kz ەلەكتروندى پوشتاسىنا, @kdif_ask telegram-چاتىنا نەمەسە 1460 تەگىن ءنومىرى بويىنشا قدكبق بايلانىس ورتالىعىنا جولداۋىڭىزعا بولادى.
«قدكبق» اق ءباسپاسوز ورتالىعى
