وتىرىسقا قاتىسۋشىلار بيىلعى ۆەدومستۆوارالىق جۇمىس توپتارى قىزمەتىنىڭ قورىتىندىسىن, الماتى قالاسىندا ورتالىق ازيا مەن اۋعانستان ءۇشىن تدم بويىنشا بۇۇ وڭىرلىك حابىن اشۋ جونىندەگى مەملەكەت باسشىسىنىڭ تاپسىرماسىنىڭ ورىندالۋ بارىسىن قارادى, سونداي-اق ودم-دى ىسكە اسىرۋدىڭ 2023 جىلعا ارنالعان ءىس-شارالار جوسپارىن ماقۇلدادى.
پرەمەر-مينيستر ءوز سوزىندە ورنىقتى دامۋ ماقساتتارىنىڭ قاعيداتتارىن ەنگىزۋ ازاماتتاردىڭ ءومىر ءسۇرۋ ساپاسىن ارتتىرۋعا جانە ەكونوميكانىڭ بارلىق سالاسىندا ۇزدىك حالىقارالىق ستاندارتتاردى قابىلداۋعا باعىتتالعانىن اتاپ ءوتتى.
«بۇگىنگى تاڭدا كەلەسى جىلعا ارنالعان ناقتى مىندەتتەر بەلگىلەندى, ولاردى بىرتىندەپ ىسكە اسىرۋ كەرەك», دەدى ءا.سمايىلوۆ.
سونىمەن قاتار پرەمەر-مينيستر بيىلعى شىلدە ايىندا قازاقستان نيۋ-يوركتەگى بۇۇ شتاب-پاتەرىندە وتكەن جوعارى دەڭگەيدەگى ساياسي فورۋمدا ۆەدومستۆوارالىق جۇمىس توپتارىنىڭ, ۇكىمەتتىك ەمەس سەكتوردىڭ, ساراپشىلار قوعامداستىعىنىڭ جانە حالىقارالىق ۇيىمداردىڭ بەلسەندى قاتىسۋىمەن جاسالعان 2030 جىلعا دەيىنگى ورنىقتى دامۋ سالاسىنداعى ەكىنشى ەرىكتى ۇلتتىق شولۋدى ءساتتى تانىستىرعانىن اتاپ كورسەتتى. ونىڭ ايتۋىنشا, قۇجات قازاقستاننىڭ وتكەن ءۇش جىلداعى جەتىستىكتەرىن كەشەندى باعالايدى.
شەتەلدىك ارىپتەستەر رەسپۋبليكادا جۇرگىزىلىپ جاتقان رەفورمالارعا قولداۋ ءبىلدىرىپ, الەۋمەتتىك-ەكونوميكالىق سالانىڭ نەگىزگى باعىتتارىن ودان ءارى دامىتۋ جونىندە ۇسىنىستار ايتتى.
وتىرىستى قورىتىندىلاي كەلە, ءا.سمايىلوۆ ۇيلەستىرۋ كەڭەسىنىڭ مۇشەلەرى ايتقان ۇسىنىستار ءارى قاراي ۇكىمەتتىڭ جۇمىسىندا ەسكەرىلەتىنىن اتاپ ءوتتى, سونداي-اق مۇددەلى مەملەكەتتىك ورگاندار مەن ۇيىمدارعا 2023 جىلعا ارنالعان ورنىقتى دامۋ ماقساتتارىن ىسكە اسىرۋ جونىندەگى ءىس-شارالار جوسپارىنىڭ ۋاقتىلى جانە ساپالى ورىندالۋىن قامتاماسىز ەتۋدى تاپسىردى.
ايتا كەتەلىك, بىرىككەن ۇلتتار ۇيىمى ورنىقتى دامۋ ماقساتتارىن 2015 جىلى كەدەيلىك پەن تەڭسىزدىكتى جويۋ, قورشاعان ورتانى قورعاۋ, ادامزاتتىڭ وركەندەۋىن قامتاماسىز ەتۋ جونىندەگى ءىس-قيمىلعا شاقىرۋ ماقساتىندا قابىلدادى. بارلىعى 17 باعىت انىقتالدى, ولاردى ىسكە اسىرۋ ەكونوميكا مەن الەۋمەتتىك ءومىردىڭ نەگىزگى سالالارىنىڭ دامۋىنا اسەر ەتەدى. تدم جەتىستىگىنىڭ مونيتورينگى – بۇۇ جانە قازاقستان ۇكىمەتى وكىلدەرىنىڭ تۇراقتى باقىلاۋىندا.
