بۇل تۋرالى ەڭبەك جانە حالىقتى الەۋمەتتىك قورعاۋ ءمينيسترى تامارا دۇيسەنوۆا ۇكىمەت وتىرىسىندا ايتتى.
«2023 جىلعى 1 قىركۇيەككە دەيىن ەڭبەك قاۋىپسىزدىگى جانە ەڭبەكتى قورعاۋ سالاسىنداعى ءبىر جارىم مىڭنان استام ستاندارتتار قايتا قارالىپ, جاڭا ەڭبەك ستاندارتتارىنىڭ جۇيەسى ەنگىزىلەدى. 2023 جىلعى 20 قاڭتارعا دەيىن جازاتايىم وقيعالاردان مىندەتتى ساقتاندىرۋ جۇيەسىن جەتىلدىرۋ جونىندە ۇسىنىستار ازىرلەنەدى. كەلەسى جىلدىڭ 1-ءشى جارتىجىلدىعىندا ەڭبەك كودەكسىنە ءتيىستى وزگەرىستەر ەنگىزىلە وتىرىپ, جازاتايىم وقيعانى تەرگەۋ كەزىندە قىزمەتكەردىڭ كىناسىنىڭ دارەجەسىن ايقىنداۋ تەتىكتەرى قايتا قارالادى. 2023 جىلى مەملەكەت, بيزنەس جانە جۇمىسشىلاردىڭ الەۋمەتتىك سەرىكتەستىگىنىڭ تيىمدىلىگىن ارتتىرۋ ماقساتىندا «كاسىپوداقتار تۋرالى» زاڭعا قاجەتتى وزگەرىستەر ەنگىزىلەدى», دەدى ت. دۇيسەنوۆا.
