نۇرعانات بۇعان دەيىن دە «XXI عاسىر كوشباسشىسى» بايقاۋىنىڭ جەڭىمپازى اتانىپ, تاريح پانىنەن رەسپۋبليكالىق وليمپيادانىڭ ءۇش دۇركىن التىن مەدال يەگەرى بولعان.
تالاپكەردى ۇبت-عا دايىنداعان JUZ40 ءبىلىم بەرۋ ورتالىعى ەرەكشە جەتىستىگى ءۇشىن وعان تەڭدەسسىز سىيلىق ۇسىنباق. تۇلەككە بيزنەس-كلاسس پاتەر, Mercedes E-Class اۆتوكولىگى نەمەسە 50 ميلليون تەڭگە اقشالاي سىياقىنىڭ ءبىرىن تاڭداۋ مۇمكىندىگى بەرىلەدى.
ناۋرىزداعى ۇبت: سەمەيلىك وقۋشى ەراسىل سايلاۋوۆ 140 بالل جينادى
سونىمەن قاتار, ورتالىق نۇرعاناتقا جوعارى وقۋ ورنىندا وقيتىن ءتورت جىل بويى اي سايىن 140 مىڭ تەڭگە كولەمىندە شاكىرتاقى تولەيدى. ال ونىڭ اتا-اناسىنا 3 ميلليون تەڭگە كولەمىندە سىياقى تابىستالادى.
ەستەرىڭىزگە سالا كەتەيىك, ۇلتتىق بىرىڭعاي تەستىلەۋ ەلىمىزدە 10 مامىردا باستالىپ, 10 شىلدەگە دەيىن جالعاسادى. عىلىم جانە جوعارى ءبىلىم مينيسترلىگىنىڭ مالىمەتىنشە, قاتىسۋعا 240 مىڭعا جۋىق ءوتىنىش بەرىلگەن.
