پوليتسيا دەپارتامەنتى ءباسپاسوز قىزمەتىنىڭ حابارلاۋىنشا, وسى ۋاقىت ارالىعىندا 200 زاڭسىز ەڭبەك ميگرانتى انىقتالعان.
ءتارتىپ ساقشىلارى زاڭ تالاپتارىن كوبىنە قۇرىلىس كومپانيالارى مەن اۋىلشارۋاشىلىق كاسىپورىندارىنىڭ باسشىلارى بۇزىپ, سول ءۇشىن اكىمشىلىك جاۋاپكەرشىلىككە تارتىلاتىنىن اتاپ ءوتتى.
«قازاقستان اۋماعىندا جۇمىسقا ورنالاسۋ ءۇشىن شەتەلدىكتەردىڭ ءتيىستى رۇقساتى بولۋى كەرەك. ەرەكشەلىك - ەەو ەلدەرىنىڭ ازاماتتارى - ارمەنيا, بەلارۋس, قىرعىزستان جانە رەسەي. ولار ءبىر جىلعا دەيىن ەڭبەك شارتى بويىنشا جۇمىس ىستەي الادى, كەيىن ونى ۇزارتۋ قاجەت بولادى», دەپ ەسكە الدى كوشى-قون قىزمەتى باسقارماسىنىڭ باسشىسى تالعات ءابىلوۆ.
قازاقستان مەن ازەربايجان, گرۋزيا, تاجىكستان, وزبەكستان, ۋكراينا جانە مولدوۆا اراسىندا 30 نەمەسە 90 كۇنگە دەيىن ۆيزاسىز بولۋ رەجيمى بار. بۇل ەلدەردىڭ رەزيدەنتتەرى جەكە تۇلعالار ءۇشىن ۇيدە جۇمىس ىستەۋگە قۇقىلى. ولار حقو-دا 1 جىلعا دەيىن ۇزارتۋ قۇقىعىمەن 1, 2 نەمەسە 3 اي مەرزىمگە جۇمىس ىستەۋگە رۇقسات الادى.
