ء«ۇش كوپپاتەرلى تۇرعىن ءۇي كەشەنىنىڭ ۇلەسكەرلەرىمەن كەزدەستىم. ولار – «Future home», «ارىستان», «زەرە-2» تۇرعىن ءۇي كەشەندەرى. بۇل تۇرعىن ءۇي كەشەندەرى ەڭ كۇردەلى بولىپ سانالادى. جالپى العاندا, مۇندا جىلدار بويى 600-دەن استام ۇلەسكەر وتباسى ءوز كىلتىن كۇتىپ ءجۇر.
ماسەلەن «Future home» تۇرعىن ءۇي كەشەنىنىڭ قۇرىلىسى 2013 جىلى باستالعان. نىساننىڭ ءوزى 6 جىل بۇرىن پروبلەمالى دەپ تانىلدى. بۇل تۇرعىن ءۇي كەشەنىندە 200-گە جۋىق ۇلەسكەر وتباسى بار. نىساننىڭ دايىندىعى 40%-دى قۇرايدى. وسى ورايدا ەكى بلوكتى بۇزۋعا تۋرا كەلگەنىن ايتا كەتكەن ءجون. سەبەبى قۇرىلىس جۇمىسىن قايتا باستاۋ ءۇشىن جارامسىز دەپ تانىلعان بولاتىن», دەپ جازدى ج.قاسىمبەك.
اكىمنىڭ ايتۋىنشا, «ارىستان» تۇرعىن ءۇي كەشەنىندە 450-گە جۋىق ۇلەسكەر وتباسى بار. بۇل كوپپاتەرلى تۇرعىن ءۇي كەشەنى پروبلەمالى قۇرىلىستىڭ ءىرى نىساندارىنىڭ ءبىرى بولىپ سانالادى. ونى بەرۋ كەزىندە نىساننىڭ تەك 20-30%-ى عانا دايىن بولعان ەدى. تۇرعىن ءۇي كەشەنى بىرنەشە بلوكتان تۇرادى, ونىڭ ءبىر بولىگى اياقتالدى – شامامەن 270 ۇلەسكەرگە باسپانا كىلتى تابىستالدى. قالعان بلوكتاردى دا اياقتايمىز. سول سياقتى كەزدەسۋدە تۇرعىندار نوسەر كارىزىن سالۋ, جىلى ايالداما ورناتۋ, قوسىمشا اۆتوبۋس باعىتىن ىسكە قوسۋ سەكىلدى وزگە دە ماسەلەلەردى كوتەردى.
«قۇرىلىسى ۇزاققا سوزىلعان تاعى ءبىر نىسان – «زەرە-2» تۇرعىن ءۇي كەشەنى 6 جىل بۇرىن پروبلەمالى دەپ تانىلدى. مۇندا 230 ۇلەسكەر وتباسى ءوز پاتەرىن كۇتىپ ءجۇر. نىساندى بەرۋ كەزىندە تەك شۇڭقىرى قازىلعان كۇيدە عانا بولعان. قازىرگى ۋاقىتتا قۇرىلىسى قايتا جانداندى, الايدا جۇمىس قارقىنىن ارتتىرۋ قاجەت», دەپ جازدى قالا اكىمى.
وسىعان دەيىن اكىمدىك قالاداعى قۇرىلىسى ۇزاققا سوزىلعان نىساندار بويىنشا ۇلكەن جۇيەلى جۇمىس جۇرگىزگەن بولاتىن.
«ۇلەستىك قۇرىلىسقا تيەسىلى 51 نىساننىڭ ىشىندە 15-ءىنىڭ پروبلەماسىن شەشۋ قالدى. ونىڭ 7-ەۋىن بيىل اياقتاۋدى جوسپارلاپ وتىرمىز. تاعى 8 نىساندى (بۇل 30-دان استام تۇرعىن ءۇي كەشەنى) 2023 جىلى اياقتاۋدى الدىما مىندەت ەتىپ قويدىم.
قۇرىلىسى ۇزاققا سوزىلعان نىسانداردىڭ اياقتالۋى مەملەكەت باسشىسىنىڭ باقىلاۋىندا. ۇلەسكەرلەردىڭ پروبلەمالارىن شەشۋ – بۇل ءبىزدىڭ مىندەتىمىز. باستى ماقساتىمىز – ۇلەسكەرلەردىڭ ءوز پاتەرلەرىنە كىرىپ, قونىس تويىن تويلاۋى.
ءبىز تۇراقتى نەگىزدە قۇرىلىسى ۇزاققا سوزىلعان نىسانداردىڭ, اۋدانداردىڭ, ەلدى مەكەندەردىڭ تۇرعىندارىمەن كەزدەسىپ, جاعدايدى ءجىتى نازاردا ۇستايمىز. كەزدەسۋ بارىسىندا ايتىلعان پروبلەمالاردى شەشۋ ماسەلەسىن قولعا الدىق», دەپ جازدى ەلوردا اكىمى.
