ەۋروكوميسسيا وكىلىنىڭ ايتۋىنشا, اتالعان قاراجاتتىڭ 18 ميلليارد ەۋروسى ەو باعالاۋىنشا قۇقىق ۇستەمدىگىنىڭ بۇزىلۋى, جەمقورلىق تاۋەكەلدەرىنىڭ جوعارى بولۋى جانە سوت جۇيەسىنىڭ تاۋەلسىزدىگىنە نۇقسان كەلۋى سەبەپتى توقتاتىلعان. تاعى 17 ميلليارد ەۋرو تومەن پايىزبەن قورعانىس نەسيەلەرى رەتىندە بەرىلۋى ءتيىس بولعان. قاراجاتتىڭ بۇعاتتالۋى بۋداپەشت پەن بريۋسسەل اراسىنداعى قاقتىعىستارعا, سونداي-اق پرەمەر-مينيستر ۆيكتور وربان تالاپ ەتىلگەن رەفورمالاردى جۇرگىزۋدەن باس تارتقانىنا بايلانىستى جۇرگىزىلگەن.
قاراجاتتى قايتا الۋ ءۇشىن ۆەنگريا 27 شارتتى ورىنداۋى كەرەك. ونىڭ ىشىندە جەمقورلىققا قارسى تەكسەرۋلەر جۇرگىزۋ جانە وربان كەزەڭىندە قابىلدانعان, ەو ەرەجەلەرىنە قايشى دەپ تانىلعان شەشىمدەردى جويۋ بار.
باسىلىمنىڭ مالىمەتىنشە, ەۋروكوميسسيا ماديار سايلاۋدا جەڭىسكە جەتكەننەن كەيىن بىردەن ونىمەن بايلانىس ورناتىپ, ۋكراينامەن قارىم-قاتىناستى قالپىنا كەلتىرۋدى جانە بۇعاتتالعان قاراجاتتى الۋ ءۇشىن رەفورمالاردى باستاۋدى تالاپ ەتكەن.
ەۋرووداق تالاپتارىنا سايكەس بريۋسسەل جاڭا بيلىك ۋكرايناعا 90 ميلليارد ەۋرو كولەمىندەگى نەسيەگە قويىلعان ۆەتونى الىپ تاستايدى, رەسەيگە قارسى 20-سانكتسيالار پاكەتىن قابىلداۋعا كەلىسەدى, «درۋجبا» قۇبىرى ارقىلى مۇناي جەتكىزۋدى قايتا باستاۋ تالابىنان باس تارتادى جانە كيەۆپەن ەو-عا مۇشەلىك بويىنشا تىكەلەي كەلىسسوزدەردى باستاۋعا قارسىلىق بىلدىرمەيدى دەپ ۇمىتتەنەدى.
ۆەنگرياداعى Radio Free Europe قىزمەتى قارجىلاندىرۋ قىسقارۋىنا بايلانىستى جۇمىسىن توقتاتتى
ەسكە سالايىق, جەكسەنبى كۇنى ۆەنگريادا پارلامەنت سايلاۋى ءوتتى. سايلاۋ كوميسسياسىنىڭ مالىمەتى بويىنشا, داۋىستاردىڭ 98,9%-ى سانالعاننان كەيىن «تيسا» پارتياسى ۆيكتور وربان جەتەكشىلىك ەتەتىن فيدەس پارتياسىنان ايتارلىقتاي باسىمدىقپەن جەڭىسكە جەتكەن.
نۇربولات امانبەك
