سينوپتيكتەر بولجامىنشا, اتموسفەرالىق فرونتالدى بولىمدەردىڭ وتۋىمەن ەلىمىزدىڭ باتىسىندا, سولتۇستىگىندە, شىعىسىندا نايزاعاي ويناپ, جاڭبىر جاۋادى. رەسپۋبليكانىڭ باتىسى مەن وڭتۇستىك-باتىسىندا قار ارالاس جاڭبىر, بۇرشاق جاۋىپ, داۋىل تۇرادى. ەلدىڭ سولتۇستىگىندە, شىعىسىندا تۇنگى ۋاقىتتا جاۋىن-شاشىن (جاڭبىر, قار) بولادى. ال وزگە ايماقتاردا جاۋىن-شاشىنسىز اۋا رايى بولجانعان.
جالپى ەل اۋماعىندا تۇمان ءتۇسىپ, جەل كۇشەيەدى. وڭتۇستىكتە شاڭدى داۋىل تۇرىپ, شىعىستا كوكتايعاق بولادى. تۇركىستان وبلىسىنىڭ باتىسىندا, سولتۇستىگىندە, جامبىل وبلىسىنىڭ باتىسىندا, وڭتۇستىك-شىعىسىندا, الماتى وبلىسىنىڭ سولتۇستىگىندە, باتىسىندا, ورتالىعىندا جىلى تەمپەراتۋرا ساقتالادى. سونداي-اق جەتىسۋ وبلىسىنىڭ سولتۇستىگىندە, وڭتۇستىگىندە, ورتالىعىندا, قاراعاندى وبلىسىنىڭ باتىسىندا, وڭتۇستىگىندە, اباي وبلىسىنىڭ وڭتۇستىگىندە ءورت قاۋپى جوعارى دەپ بولجانعان.
