اتالعان جوبا پرەزيدەنت قاسىم-جومارت توقاەۆ ايقىنداعان تسيفرلىق دامۋ باعىتىمەن ۇندەس. بۇل رەتتە 2026 جىل تسيفرلاندىرۋ جانە جاساندى ينتەللەكت جىلى رەتىندە بەلگىلەنىپ, بارلىق سالالاردا تسيفرلىق شەشىمدەردى ەنگىزۋ, اشىقتىق پەن تيىمدىلىكتى ارتتىرۋ مىندەتى قويىلعان. سپورت سالاسى دا وسى ۇدەرىستەن تىس قالعان جوق.
جاڭا جۇيە اياسىندا سپورتشىلاردىڭ بىرىڭعاي ورتالىقتاندىرىلعان تسيفرلىق دەرەكتەر بازاسى قۇرىلدى. بۇل بازا سپورتتىق ناتيجەلەردى ۇلتتىق دەڭگەيدە جۇيەلەۋگە جانە دەرەكتەردى ۋاقتىلى جاڭارتىپ وتىرۋعا مۇمكىندىك بەرەدى.
رەيتينگ اۆتوماتتاندىرىلعان الگوريتم نەگىزىندە قالىپتاستىرىلادى. باعالاۋ پروتسەسىندە ادام فاكتورى قولدانىلمايدى, بۇل سپورتشىلار ناتيجەلەرىن ءادىل, اشىق جانە ءبىرىزدى باعالاۋدى قامتاماسىز ەتەدى.
جۇيەنىڭ نەگىزگى ارتىقشىلىقتارى:
- رەيتينگ ۇپايلارىن ەسەپتەۋدىڭ اشىق مەحانيزمى;
- سۋبەكتيۆتى باعالاۋدى بولدىرماۋ;
- سپورتتىق ناتيجەلەردى اۆتوماتتاندىرىلعان وڭدەۋ;
- بارلىق سپورتشىلار ءۇشىن بىرىڭعاي ستاندارت;
- دەرەكتەردى ورتالىقتاندىرىلعان ساقتاۋ جانە باسقارۋ.
تسيفرلىق رەيتينگ جۇيەسىن ەنگىزۋ ۇلتتىق بادمينتوندى دامىتۋداعى ماڭىزدى قادام بولىپ سانالادى. بۇل باستاما سپورت سالاسىنىڭ باسەكەگە قابىلەتتىلىگىن ارتتىرۋعا, ءادىل سپورتتىق ورتا قالىپتاستىرۋعا جانە باسقارۋ تيىمدىلىگىن كۇشەيتۋگە باعىتتالعان.
قازاقستان بادمينتون فەدەراتسياسى الداعى ۋاقىتتا دا سپورت سالاسىن تسيفرلاندىرۋ, يننوۆاتسيالىق شەشىمدەردى ەنگىزۋ جانە زاماناۋي باسقارۋ جۇيەلەرىن دامىتۋ باعىتىنداعى جۇمىستاردى جالعاستىراتىنىن مالىمدەيدى.
