جەرگىلىكتى زاڭ شىعارۋشىلار ۇسىنعان باستامالار قابىلدانسا, جاسى 55-تەن اسقان جانە كەمىندە 15 جىل تۇرمەدە وتىرعان سوتتالۋشىلاردىڭ ىستەرى مەرزىمىنەن بۇرىن بوساتۋ كوميسسياسىندا قايتا قارالۋى مۇمكىن. بۇل تالاپتار قىلمىستىڭ اۋىرلىعىنا قاراماستان قولدانىلۋى ىقتيمال.
ەكىنشى زاڭ جوباسى بويىنشا, سوتتالعاندار «قوعامعا تىكەلەي قاۋىپ توندىرمەيدى» دەپ تانىلسا, ولاردى شارتتى تۇردە بوساتۋ مۇمكىندىگى كەڭەيتىلەدى. سونىمەن قاتار بوساتىلعان ادامدار قوعامدىق باقىلاۋدا بولادى, ال وتىنىشتەرى قابىلدانباعان جاعدايدا سەبەپتەرى جازباشا تۇردە تۇسىندىرىلمەك.
سقو-دا كولونيا باستىعى قىلمىسكەردەن پارا الدى دەگەن كۇدىكپەن ۇستالدى
ساراپشىلاردىڭ پىكىرىنشە, بۇل وزگەرىستەر قوعامدا ۇلكەن پىكىرتالاس تۋدىرىپ وتىر. كەيبىر ماماندار مۇنداي قادام قىلمىس قايتالانۋ قاۋپىن ارتتىرۋى مۇمكىن ەكەنىن ەسكەرتەدى.
ەگەر زاڭ قابىلدانسا, بۇل ەرەجە ءومىر بويىنا سوتتالعان كەيبىر اۋىر قىلمىسكەرلەرگە دە اسەر ەتۋى مۇمكىن. مەرزىمىنەن بۇرىن بوساپ شىعۋى مۇمكىن تۇلعالاردىڭ اراسىندا بۇكىل امەريكانى ءدۇر سىلكىندىرگەن بىرقاتار قاتىگەز قانىشەرلەر بار. ولاردىڭ قاتارىندا ەڭ الدىمەن 1980 جىلى 8 جەلتوقساندا نيۋ-يوركتەگى قوناق ءۇي ماڭىندا تانىمال ءانشى, كومپوزيتور دجون لەننوندى اتىپ ولتىرگەن مارك دەۆيد چەپمەن بار. سونىمەن قاتار 1976-1977 جىلدارى نيۋ-يوركتە التى ادامدى ءولتىرىپ, جەتى ادامدى جارالاعانى ءۇشىن جازاسىن وتەپ جاتقان «سەمنىڭ ۇلى» لاقاپ اتىمەن تانىمال دەۆيد بەركوۆيتس پەن 1993 جىلى لونگ-ايلەند تەمىرجولىنداعى اتىس كەزىندە التى ادامنىڭ ءومىرىن قيىپ, 19 ادامدى جارالاعان سەريالى قانىشەر كولين فەرگيۋسون دا وسى تىزىمگە ىلىگۋى مۇمكىن
قازىرگى تاڭدا قۇجاتتار نيۋ-يورك زاڭ شىعارۋشى ورگاندارىندا قارالىپ جاتىر, ال شەشىمنىڭ قاشان قابىلداناتىنى ءالى بەلگىسىز.
