فوتو: اشىق دەرەككوز
ال ءۇش ايدىڭ قورىتىندىسى بويىنشا وتاندىق ديلەرلەر 44 757 كولىك ساتقان, بۇل 2025 جىلدىڭ وسى كەزەڭىمەن سالىستىرعاندا 4,5 پايىزعا تومەن. الايدا قازاقستان اۆتوكولىك وداعىنىڭ پرەزيدەنتى انار ماقاشەۆانىڭ سوزىنشە, جىل باسىنان بەرگى كورسەتكىشتىڭ تومەندەگەنىنە قاراماستان, اۆتوكولىك نارىعى اقپاننان كەيىن ايتارلىقتاي تۇراقتىلىق بەلگىلەرىن كورسەتىپ كەلەدى.
«مۇنداي جاعدايدا اۆتوكولىك جەتكىزىلىمىن رەتتەۋ قاجەتتىلىگى تۋىندايتىنى ءسوزسىز. سەبەبى وتاندىق نارىقتا ۇلەستەردىڭ قايتا ءبولىنىپ جاتقانىن بايقاۋ قيىن ەمەس. سايكەسىنشە كەيبىر برەندتەردىڭ پوزيتسياسى كۇشەيىپ كەلەدى. وسىعان بايلانىستى ناقتى باعالاۋ مەن جىلدىق بولجامدى ەكىنشى توقسان قورىتىندىسى بويىنشا جاساۋعا بولادى. سەبەبى بۇل كەزەڭ تۇتىنۋشىلىق تۇرعىدا اسا ماڭىزدى ارالىق سانالادى», دەيدى وداق باسشىسى.
ءبىرىنشى توقساننىڭ قورىتىندىسى بويىنشا ەلىمىزدە ەڭ كوپ ساتىلعان برەندتەر قاتارىندا Hyundai (3192 كولىك) كوش باستاعان. ەكىنشى ورىنعا Kia (2317), ال ءۇشىنشى ورىندا Chevrolet اۆتوكولىگى (2142) جايعاسقان. ناۋرىز ايىندا دا وسى ءۇش كولىك ماركاسى جوعارى ساتىلىمدى تەمىر تۇلپارلار قاتارىنان تابىلعان. ال جىل باسىنان بەرى تۇتىنۋشىلار تاراپىنان كوپ سۇرانىس تۋدىرعان Changan 1766 كولىك ساتىپ, ۇلكەن وسىممەن ءتورتىنشى ورىنعا كوتەرىلگەن.
بۇدان وزگە ەسەپتى كەزەڭدە ساتىلىمى ارتقان برەندتەر تىزبەگى تومەندەگىدەي جايعاسقان:
Chery – 1270
Haval – 1227
Jetour – 850
Toyota – 581
JAC – 451
Geely – 428
ەڭ تانىمال 10 مودەل:
Chevrolet Cobalt – 1965
Hyundai Tucson – 1516
Kia Sportage – 841
Changan CS55 Plus – 798
Haval Jolion – 683
Chery Tiggo 7 – 565
Hyundai Elantra – 561
Changan CS35 Max – 513
Hyundai Mufasa – 440
Kia Soluto – 416
ەسكە سالا كەتەيىك, جوعارىدا اتالعان مودەلدەردىڭ بارلىعى قازاقستان اۋماعىندا قۇراستىرىلادى.
نۇربولات امانبەك
