فوتو: Reuters
سوڭعى مالىمەتتەرگە سايكەس, ەلدە اۋرۋ جۇقتىرۋدىڭ راستالعان جاعدايلارى 896-عا جەتكەن. تەك سوڭعى تاۋلىكتىڭ وزىندە 21 جاڭا جاعداي تىركەلىپ, 6 ادام كوز جۇمعان.
كونگونىڭ دەنساۋلىق ساقتاۋ ورگاندارى اۋرۋ جۇقتىرۋ كورسەتكىشى اپتا سايىن ءوسىپ كەلە جاتقانىن مالىمدەدى. بيلىك وكىلدەرى دەر كەزىندە ءتيىمدى شارالار قابىلدانباسا, ىندەت ەلدىڭ وزگە وڭىرلەرىنە دە تەز تارالۋى مۇمكىن ەكەنىن ەسكەرتتى.
قازىرگى تاڭدا ىندەتپەن كۇرەسكە مەديتسينالىق قورعانىس قۇرالدارىنىڭ, زەرتحانالىق تەستتەردىڭ, قاۋىپسىز جەرلەۋگە قاجەتتى جابدىقتاردىڭ جەتىسپەۋى كەدەرگى كەلتىرىپ وتىر.
كونگودا ەبولا ىندەتى ءورشىپ بارادى: ناۋقاستار سانى 808-گە جەتتى
دۇنيەجۇزىلىك دەنساۋلىق ساقتاۋ ۇيىمىنىڭ مالىمەتىنشە, ازىرگە ەبولا ىندەتىنىڭ كونگو اۋماعىنان تىس جەرلەرگە تارالۋ قاۋپى تومەن. سوعان قاراماستان, ىندەت حالىقارالىق دەڭگەيدەگى توتەنشە جاعداي رەتىندە تانىلعان.
ەسكە سالا كەتەيىك, 14 ماۋسىمداعى دەرەك بويىنشا ەبولا ىندەتىنەن قازا تاپقاندار سانى 149 ادام بولعان ەدى. دۇنيەجۇزىلىك دەنساۋلىق ساقتاۋ ۇيىمى كۇن ساناپ ءورشىپ بارا جاتقان ۆيرۋسپەن كۇرەسكە 518 ملن دوللار بولگەن بولاتىن.
