«قازىرگى جاھاندىق ەكونوميكالىق جانە گەوساياسي احۋال بارلىق ەلدەرگە اسەر ەتىپ وتىر. ءبىز جىل سوڭىنا دەيىن 5%-دان جوعارى دەڭگەيدە ورنىقتى ەكونوميكالىق وسىمگە قول جەتكىزۋ ءۇشىن بار كۇشىمىزدى جۇمىلدىرۋىمىز قاجەت. شيكىزاتتىق ەمەس سەكتوردا تۇراقتى ءوسىم بايقالىپ وتىر. وڭدەۋ ونەركاسىبىنىڭ كولەمى 8,5%-عا ءوستى», دەدى بەكتەنوۆ.
ۇكىمەت باسشىسى اتالعان وڭ ءۇردىستى جالعاستىرا وتىرىپ, قولداعى بارلىق رەزەرۆتەردى تولىق پايدالانۋ كەرەكتىگىن اتاپ ءوتتى.
«باسەكەلەستىك كۇننەن كۇنگە كۇشەيىپ كەلەدى. بوس اڭگىمەنى دوعاراتىن ۋاقىت كەلدى. ناقتى ىسپەن اينالىسۋ كەرەك. ءىرى ونەركاسىپ جانە ينفراقۇرىلىم جوبالارىن جۇزەگە اسىرىپ, بارلىق سالاعا جاساندى ينتەللەكتىنى ەنگىزۋ كەرەك. قارجىلىق ءتارتىپتى قاتاڭ ساقتاپ, الەۋمەتتىك قامسىزداندىرۋدىڭ ادىلەتتى جۇيەسىن قالىپتاستىرۋ قاجەت. قازىرگىدەي بارىنە بىردەي ەمەس, مەملەكەت شىن مانىندە مۇقتاج ادامدارعا عانا قولداۋ كورسەتۋگە ءتيىس», دەپ اتاپ ءوتتى پرەمەر-مينيستر.
