فوتو: ءىىم
قاسكويلەر وزدەرىن قۇقىق قورعاۋ ورگاندارىنىڭ قىزمەتكەرلەرى, بانك سەكتورىنىڭ وكىلدەرى جانە باسقا ۇيىمداردىڭ ماماندارى رەتىندە كورسەتۋ ءۇشىن ۇقساس سۋرەتتەردى, اۋديو جانە بەينەماتەريالداردى جاساۋ مۇمكىندىكتەرىن بەلسەندى تۇردە قولدانىپ ءجۇر. ءىىم ازاماتتارعا بەينەقوڭىراۋلار ارقىلى بەلگىسىز تۇلعالار جالعان بەينە مەن داۋىستى پايدالانا وتىرىپ, وزدەرىن پوليتسيا قىزمەتكەرلەرى, ۇلتتىق قاۋىپسىزدىك ورگاندارى نەمەسە بانكتەردىڭ قاۋىپسىزدىك قىزمەتىنىڭ وكىلدەرى رەتىندە تانىستىراتىن جاعدايلار ءجيى تىركەلىپ جاتقانىن مالىمدەدى.
پوليتسيا ينۆەستيتسيالىق الاياقتىقتىڭ قاۋىپتى سحەمالارى تۋرالى ەسكەرتتى
«ولار كۇدىكتى وپەراتسيالاردى انىقتاۋ نەمەسە اقشانىڭ سىرتقا شىعۋ قاۋپى دەگەن سىلتاۋمەن ازاماتتاردى اقشانى شۇعىل تۇردە «قاۋىپسىز شوتتارعا» اۋدارۋعا كوندىرەدى. سونىمەن قاتار رەسمي حابارلامالارعا ۇقساس ەتىپ جالعان حابارلامالار مەن قۇجاتتاردى جىبەرۋ, مەملەكەتتىك ورگاندار نەمەسە قارجى ۇيىمدارى وكىلدەرىمەن بايلانىس ورناتقانداي اسەر قالدىراتىن اۆتوماتتاندىرىلعان سەرۆيستەر مەن چات-بوتتاردى پايدالانۋ فاكتىلەرى دە كەزدەسەدى. ىشكى ىستەر مينيسترلىگى قۇقىق قورعاۋ ورگاندارى مەن بانك قىزمەتكەرلەرى ەشقاشان بەينەقوڭىراۋ ارقىلى اقشا اۋدارۋدى تالاپ ەتپەيدى, قۇپيا مالىمەتتەردى سۇرامايدى جانە تەلەفون ارقىلى قارجىلىق وپەراتسيالار جۇرگىزۋدى ۇسىنبايدى», دەلىنگەن مينيسترلىك تاراتقان حابارلامادا.
الاياقتىقتىڭ جاڭا ءتاسىلى تارادى: قاسكۇنەمدەر داۋىسىن وزگەرتىپ, سەنىمگە كىرەدى
الاياقتىقتىڭ الدىن الۋ ءۇشىن بەيتانىس ادامداردىڭ اقشا اۋدارۋعا قاتىستى نۇسقاۋلارىن ورىنداماۋ قاجەت. سونداي-اق جەكە جانە بانك دەرەكتەرىن ەشكىمگە ۇسىنباي, كەلىپ تۇسكەن اقپاراتتى رەسمي دەرەككوزدەر ارقىلى تەكسەرۋ كەرەك. پوليتسيا بارلىق الاياقتىق فاكتىلەرى مەن ارەكەتتەرى تۋرالى دەرەۋ قۇزىرلى ورگاندارعا حابارلاۋعا شاقىرىپ وتىر.
باسپاناعا قاتىستى جاڭا الاياقتىق سحەما: ءىىم قازاقستاندىقتارعا ەسكەرتۋ جاسادى
