فوتو: اقوردا
بۇل – تەحنولوگيالىق دەربەستىكتىڭ العىشارتى. ونىڭ ماڭىزى ەنەرگەتيكا نەمەسە لوگيستيكا سالاسىنان كەم تۇسپەيدى.
«ەسەپتەۋ قۋاتىن, دەرەكتەردى جانە بايلانىس ارنالارىن باقىلاۋدا ۇستاۋ ايرىقشا وزەكتى. قازىرگى زاماندا مۇنى وزگەلەردەن تاۋەلسىز بولۋدىڭ بۇلجىماس قاعيداسى دەسەك, ارتىق ايتقاندىق ەمەس. بىزگە جاساندى ينتەللەكت پەن «بۇلتتى» تەحنولوگيا قىزمەتتەرىنە ارنالعان ينفراقۇرىلىمدىق بازانى دامىتۋ كەرەك. وسى باعىتتاعى باستى جوبا – «دەرەكتەردى وڭدەۋ ورتالىقتارىنىڭ القابىن» قۇرۋ ءىسىن جۇيەلى جۇرگىزۋ قاجەت. بۇل – الداعى ۋاقىتتا ەكونوميكامىزدىڭ جاڭا يندۋستريالىق تىرەگىنە اينالاتىن اۋقىمدى كلاستەر. مۇنداي ورتالىقتار كاسىپكەرلەر مەن عالىمداردى ەسەپتەۋ رەسۋرستارىمەن قامتاماسىز ەتەدى. سەنىمدى تسيفرلىق ينفراقۇرىلىم ەلىمىزدىڭ ستراتەگيالىق اكتيۆىنە اينالۋعا ءتيىس. ۇكىمەت «دەرەكتەردى وڭدەۋ ورتالىقتارىنىڭ القابى» جوباسىن مۇقيات پىسىقتاۋى قاجەت. بۇل رەتتە حالىقارالىق ستاندارتتار جانە وسى سالاداعى جەتەكشى كومپانيالار بەكىتكەن تالاپتار ەسكەرىلۋگە ءتيىس. ەڭ باستىسى, بۇل اسا ماڭىزدى جوسپار ەلىمىزدىڭ سۇرانىسىنا ساي جانە زاماناۋي وزىق ۇردىستەردى ەسكەرە وتىرىپ جاسالعانى ءجون. داتا-ورتالىقتار – ءساندى تسيفرلىق تەحنولوگيالار كورمەسى ەمەس», دەدى مەملەكەت باسشىسى.
«نە بولامىز, نە بورداي توزامىز»: توقاەۆ تسيفرلاندىرۋعا سالعىرت قاراۋعا بولمايتىنىن ەسكەرتتى
قاسىم-جومارت توقاەۆ كيبەرقاۋىپسىزدىك ءجىتى قاداعالانباسا, كەز كەلگەن ينفراقۇرىلىم سىر بەرەتىنىن مالىمدەدى.
«ۇلتتىق تەحنولوگيالىق ءونىمنىڭ بارىنە قاۋىپسىزدىك ستاندارتتارىن ەنگىزۋ كەرەك. دەربەس دەرەكتەردى قورعاۋ مىندەتى كونستيتۋتسيادا ناقتى بەكىتىلدى. سوندىقتان بۇل جۇمىس قۇپيالىق, تۇتاستىق, قولجەتىمدىلىك قاعيداتتارىنا نەگىزدەلۋى قاجەت. مەملەكەتتىك تسيفرلىق قىزمەتتەردىڭ تۇراقتى ءارى قاۋىپسىز جۇمىس ىستەۋى – باستى تالاپتىڭ ءبىرى. اشىقتىق, جاھاندىق ينتەگراتسيا جانە ۇلتتىق مۇددە اراسىنداعى تەڭگەرىمدى ساقتاۋ – ايرىقشا ماڭىزدى. مەملەكەت وسى جۇمىستى ءتيىمدى ۇيىمداستىرعانى دۇرىس. تسيفرلىق قاۋىپسىزدىك ماسەلەسى ۆيرتۋالدى كەڭىستىك اۋقىمىنان الدەقاشان شىعىپ كەتتى. تاياۋ شىعىستاعى وقيعالار جاھاندىق ءتارتىپتىڭ وسال تۇستارىن ايقىنداپ بەردى. وكىنىشكە قاراي, بۇگىندە دامىعان ەلدەردىڭ تسيفرلىق ينفراقۇرىلىمىنا قاتەر ءتونىپ تۇرعانى جاسىرىن ەمەس. مۇنداي جاعدايدا حالىقارالىق بيزنەسكە قاۋىپسىزدىك اۋاداي قاجەت. جاھاندىق تەحنولوگيالىق قاۋىمداستىق ءۇشىن ينستيتۋتتار مەن قۇقىقتىق جۇيەنىڭ تۇراقتى, ال تسيفرلىق ينفراقۇرىلىمنىڭ ساپالى بولعانى وتە ماڭىزدى. قازاقستاندى «تسيفرلىق حابقا» اينالدىرۋ جونىندە مىندەت قويدىق. دەمەك وسى تالاپتىڭ ۇدەسىنەن شىعا ءبىلۋ قاجەت», دەدى پرەزيدەنت.
قازاقستان كريپتوحابقا اينالا ما؟ پرەزيدەنت ۇكىمەت پەن ۇلتتىق بانككە شۇعىل تاپسىرما بەردى
