وقيعا Oceanwide Expeditions كومپانياسىنا تيەسىلى MV Hondius كەمەسىندە بولعان. كەمە قازىرگى ۋاقىتتا افريكا جاعالاۋىنداعى ارال مەملەكەت – كابو-ۆەردە استاناسى پرايا ماڭىندا تۇر.
كومپانيانىڭ مالىمەتىنشە, قازا تاپقانداردىڭ بارلىعى – جولاۋشىلار. قازىرگى ۋاقىتتا كابو-ۆەردە بيلىگى جولاۋشىلارعا كەمەدەن تۇسۋگە رۇقسات بەرمەي وتىر. دەگەنمەن جەرگىلىكتى دەنساۋلىق ساقتاۋ ماماندارى كەمەگە كىرىپ, جەدەل مەديتسينالىق كومەككە مۇقتاج ەكى ەكيپاج مۇشەسىن تەكسەرگەن.
ولىمگە اكەلۋى مۇمكىن: قازاقستاننىڭ 4 وڭىرىندە اسا قاۋىپتى ۆيرۋس تارالىپ جاتىر
حانتاۆيرۋس ادامدا اۋىر ءارى كەي جاعدايلاردا ولىمگە اكەلەتىن وكپەلىك سيندروم تۋدىرۋى مۇمكىن. اقش-تىڭ اۋرۋلاردى باقىلاۋ جانە الدىن الۋ ورتالىعىنىڭ (CDC) مالىمەتىنشە, ينفەكتسيا كوبىنە كەمىرگىشتەر ارقىلى, ولاردىڭ ءزارى, ءناجىسى نەمەسە سىلەكەيىمەن بايلانىس ناتيجەسىندە جۇعادى.
ادامنان ادامعا جۇعۋ وتە سيرەك كەزدەسەدى جانە تەك اند ۆيرۋسىنا ءتان جاعدايلاردا عانا تىركەلگەن. بۇل ۆيرۋس نەگىزىنەن چيلي مەن ارگەنتينادا تارالعان, ال كەمە سول ايماقتان شىققان بولۋى مۇمكىن.
قازىرگى ۋاقىتتا جاعدايعا بايلانىستى تەرگەۋ جانە ەپيدەميولوگيالىق تەكسەرۋ جۇمىستارى جۇرگىزىلىپ جاتىر.
