فوتو: allsee.team
مەملەكەت باسشىسى جاساندى ينتەللەكتىنىڭ ستراتەگيالىق ماڭىزى مودەلدىڭ اۋقىمىنا قاراي ەمەس, كەرىسىنشە ەكونوميكانىڭ ناقتى سەكتورىمەن قانشالىقتى ۇيلەسىم تاپقانىنا بايلانىستى انىقتالاتىنىن ايتتى.
«شىن مانىندە, پاراديگمالار تۇبەگەيلى وزگەرىپ جاتىر. جاساندى ينتەللەكتىنى ناقتى ۋاقىت رەجيمىندە پايدالانۋ ءوسىمنىڭ باستى فاكتورى سانالا باستادى. سوندىقتان بىزگە دەرەكتەردى, ۇدەرىستەر مەن ادامداردى بىرىكتىرەتىن ءبىرتۇتاس جۇيە قۇرۋ قاجەت. وسىنداي نەگىز قالىپتاسقاندا عانا پيلوتتىق شەشىمدەرمەن شەكتەلمەي, جاساندى ينتەللەكتىنى ەكونوميكانىڭ بارلىق سەكتورىنا ەنگىزۋگە جول اشىلادى. جاھانداعى تەحنولوگيالىق جارىستا بىردە ءبىر ەل ءوز بەتىنشە جاساندى ينتەللەكت الەۋەتىن تولىق پايدالانا المايدى. جاساندى ينتەللەكتىنى دامىتۋ جونىندەگى كەڭەس, ەڭ الدىمەن, ەكونوميكا جانە تسيفرلىق پلاتفورما سالاسىندا كەلىسىلگەن تاسىلدەر ازىرلەپ, وزىق تاجىريبەلەرمەن الماسۋ ءۇشىن قۇرىلدى. وسىعان وراي كەڭەستىڭ كەلەسى وتىرىسىندا جاساندى ينتەللەكتىنى ونەركاسىپكە ەنگىزۋ ماسەلەسىن قاراستىرۋ قاجەت دەپ ويلايمىن. ويتكەنى ءوندىرىس – قوسىلعان قۇنى جوعارى ءونىم وندىرەتىن جانە جاڭا تەحنولوگيانى سىناپ كورەتىن ەڭ باستى الاڭ. بۇل ورايدا تاۋ-كەن كەشەنى, ەنەرگەتيكا, اگروونەركاسىپ سەكتورى, لوگيستيكا سالالارىنداعى ونىمدىلىكتى ارتتىرۋ, شىعىندى ازايتۋ جانە باسقارۋ تيىمدىلىگىن جەتىلدىرۋ ماسەلەلەرىنە باسا ءمان بەرۋدى ۇسىنامىن. يندۋستريالىق دەرەكتەردى دامىتىپ, ءوندىرىستىڭ تسيفرلىق تەلنۇسقالارىن ەنگىزۋ, سونداي-اق پروتسەستەردى جاپپاي اۆتوماتتاندىرۋ ارقىلى ءبىز ستراتەگيالىق ماقساتتاردىڭ پىكىرتالاس كۇيىندە قالماي, ناقتى ىسكە ۇلاسۋىنا مۇمكىندىك جاسايمىز», دەدى پرەزيدەنت.
قازاقستاندا «دەرەكتەردى وڭدەۋ ورتالىقتارىنىڭ القابى» قۇرىلادىجيىندا پرەمەر-ءمينيستردىڭ ورىنباسارى – جاساندى ينتەللەكت جانە تسيفرلىق دامۋ ءمينيسترى جاسلان ماديەۆ, ۇلتتىق بانك توراعاسى تيمۋر سۇلەيمەنوۆ, Sinovation Ventures جانە 01.ai باس ديرەكتورى لي كاي فۋ, Cambrian Futures باس ديرەكتورى ولاف دج. گروت, «سامۇرىق-قازىنا» ۇلتتىق ءال-اۋقات قورىنىڭ باسقارما توراعاسى نۇرلان جاقىپوۆ, ابۋ دابيدەگى حاليفا عىلىم جانە تەحنولوگيا ۋنيۆەرسيتەتىنىڭ پروفەسسورى مەرۋان دەببا, تيۋرينگ سىيلىعىنىڭ لاۋرەاتى دجون حوپكروفت, بۇۇ-نىڭ «يگىلىككە ارنالعان جي» باستاماسى اتقارۋشى كەڭەسىنىڭ توراعاسى ءال مازرۋي ەبتەسام جانە Oxford Insights باس ديرەكتورى ريچارد ستيرلينگ ءسوز سويلەدى.
جيىن سوڭىندا پرەزيدەنت قاسىم-جومارت توقاەۆ جاساندى ينتەللەكتىنى دامىتۋ جونىندەگى كەڭەس مۇشەلەرىمەن بىرگە سۋرەتكە ءتۇستى.
