فوتو: اقوردا
كەزدەسۋ بارىسىندا قازاقستاننىڭ تسيفرلىق ەكونوميكاسىن دامىتۋ جانە حالىقارالىق تەحنولوگيالىق پلاتفورمالار اياسىنداعى ىنتىماقتاستىقتى كەڭەيتۋ پەرسپەكتيۆالارى تالقىلاندى.
پرەزيدەنت قازاقستان الداعى ءۇش جىلدا تولىق تسيفرلىق مەملەكەتكە اينالۋ جونىندە ءورشىل ماقسات قويعانىنا نازار اۋداردى.
پرەزيدەنتتىڭ توراعالىعىمەن جاساندى ينتەللەكتىنى دامىتۋ جونىندەگى كەڭەستىڭ ەكىنشى وتىرىسى ءوتتى
الماتىدا ءوتىپ جاتقان ورتالىق ازياداعى العاشقى GITEX AI Central Asia & Caucasus فورۋمى وسى ستراتەگيالىق باعداردىڭ ايقىن مىسالى سانالادى جانە ەلىمىزدىڭ جاھاندىق تەحنولوگيالىق كۇن ءتارتىبىن قالىپتاستىرۋ ىسىنە اتسالىسۋعا دايىن ەكەنىن كورسەتەدى.
كەزدەسۋدە الماتىنىڭ تەحنولوگيالىق حاب رەتىندەگى رولىنە ايرىقشا ءمان بەرىلدى. بۇل قالادا ەلىمىزدەگى IT-كومپانيالاردىڭ ۇشتەن ءبىرى شوعىرلانعان. دامىعان ەكوجۇيە قۇرامىندا بەلسەندى ستارتاپتار, ينۆەستورلار مەن حالىقارالىق ويىنشىلار بار.
مەملەكەت باسشىسى Sinovation Ventures جانە 01ai كومپانيالارىنىڭ باس ديرەكتورىن قابىلدادى
قاسىم-جومارت توقاەۆ تريكسي لوحميرماندتىڭ GITEX AI Central Asia & Caucasus فورۋمىن حالىقارالىق دەڭگەيدە ىلگەرىلەتۋگە سىڭىرگەن ەڭبەگىن جوعارى باعالادى.
Dubai World Trade Center اتقارۋشى ۆيتسە-پرەزيدەنتى اتالعان الاڭ تەحنولوگيالىق نارىقتىڭ نەگىزگى قاتىسۋشىلارىنىڭ باسىن قوسىپ, جاڭا سەرىكتەستىكتەر تابۋعا جول اشاتىنىن اتاپ ءوتتى.
توقاەۆ: مەملەكەتتىك دەرەكتەردىڭ بىرىڭعاي جۇيەسى بولماسا, جاساندى ينتەللەكتىدەن پايدا جوق
اڭگىمەلەسۋ بارىسىندا GITEX AI Central Asia & Caucasus الاڭىن ورتالىق ازيادا جىل سايىن ۇيىمداستىرۋ, سونداي-اق قازاقستاندا باسقا دا وڭىرلىك اۋقىمداعى ءىس-شارالار وتكىزۋ مۇمكىندىكتەرى قاراستىرىلدى.
