«اقتاۋ تەڭىز پورتى» ارنايى ەكونوميكالىق ايماعى جاڭعىرىپ كەلەدى

جيىرما جىل بويى ءوز تىرلىگىن جۇر­گىزىپ, ءونىمدى ساقتاۋ جانە جە­ڭىل ونەركاسىپتىك ونىمدەر شى­عا­رۋ­مەن اينالىسقان ايماق­تىڭ جۇمىسىن جانداندىرۋ ەل پرە­زيدەنتى ق.توقاەۆتىڭ «ادىلەت­تى مەملەكەت. ءبىرتۇتاس ۇلت. بەرە­كەلى قوعام» اتتى قازاقستان حال­قى­نا جولداۋىندا ايتىلعان ەكو­نوميكانىڭ ناقتى سەكتورىن دامىتۋ, ارنايى ەكونوميكالىق ايماقتاردى دامىتۋ ءۇشىن مۇلدە باسقا ساياساتقا كوشۋ تۋرالى بىر­قاتار ناقتى تاپسىرماسى اياسىندا جۇرگىزىلىپ كەلەدى.

اقتاۋداعى ەكونوميكالىق اي­ماق­تا تىركەلگەن 47 كومپانيا تۇر­عىنداردى 1 700-دەن استام جاڭا جۇمىس ورنىمەن قام­تا­ماسىز ەتىپ وتىر. ايماققا جالپى كولەمى 266,1 ملرد تەڭگەنى قۇرايتىن ين­ۆەستيتسيا, ياعني 168,7 ملرد تەڭ­گەگە شەتەلدىك ينۆەستيتسيا سالىنسا, 406,7 ملرد تەڭگەگە ءونىم ءوندىرىلىپ, 54,2 ملرد تەڭگە سالىق تولەندى. كوزگە كورىنبەگەنىمەن, بۇل ەكو­نو­ميكا ءۇشىن ايتارلىقتاي قول­داۋ. «اقتاۋ تەڭىز پورتى» ار­نا­يى ەكونوميكالىق ايما­عى­نىڭ ەلىمىزدەگى ەكونومي­كالىق اي­ماقتار اراسىندا كوشباس­شى­­لار قاتارىنان تابىلۋىنا تاعى ءبىر سەبەپ – اتالعان اي­ماق­­تى قۇرۋعا جۇمسالعان بيۋدجەت قاراجاتىنىڭ 1 تەڭگەسىنە 34,1 تەڭگە جەكە ينۆەستيتسيا تار­تىلىپ, 6,9 تەڭگە سالىق اۋدارىمدارى تولەنگەندىگىندە. بۇل دا وزگە وڭىرلەرمەن سالىستىرعاندا تەڭىز جاعالاۋىندا ورنالاسقان ايماقتىڭ شوقتىعىن بيىكتەتە تۇسەدى.

ەكسپورتقا باعىتتالعان ەكو­نو­ميكالىق ايماقتاردىڭ ءبىرى بول­عاندىقتان, ەكسپورتتىڭ نە­گىز­گى ارنالارى ازەربايجان, رە­سەي, وزبەكستان, ۋكراينا, گەر­­ما­نيا, فرانتسيا ەلدەرى. ال اق­تاۋ ايماعىنا ماڭداي تىرە­گەن شەتەلدىك ينۆەستورلار ارا­سىندا قىتاي, ۇلىبريتانيا, ازەربايجان, سينگاپۋر, تۇركيا, گەرمانيا.

اقتاۋداعى ەكونوميكالىق اي­ماقتا قىزمەتتىڭ 25 باسىم ءتۇرى اياسىندا ءوندىرىس بار. ايماقتا ماتەريالدار ءوندىرىسى, مۇناي-حيميا, قۇرىلىس ونەركاسىبى ءۇشىن ماتەريالدار, ماشينالار مەن جابدىقتار ءوندىرۋ سىندى وڭدەۋ ونەركاسىبى, قويما جانە لوگيستيكا, ءتۋريزمدى دامىتۋ نەگىزگى باعىتتار بولىپ وتىر. سونداي-اق جوبالاردى ىسكە اسىرۋعا جاعداي جاسالىپ, قاجەتتى ينفراقۇرىلىم جۇرگىزىلگەن, سا­لىقتىق جانە كەدەندىك پرەفە­رەن­تسيالار ۇسىنىلادى, جوبالاردى سۇيەمەلدەۋ جانە ولاردىڭ مونيتورينگى جۇزەگە اسىرىلادى, ينۆەستورلارعا جەرگىلىكتى اتقارۋشى جانە ۋاكىلەتتى ورگان­دار­مەن, مامانداندىرىلعان ۇيىم­دارمەن ءوزارا ءىس-قيمىل جاساۋدا جاردەم كورسەتىلەدى.

«Arcellor Mittal Tubular Products Aktau» اق ۇلكەن ديامەترلى بولات قۇبىرلاردى شىعارۋ زاۋىتى, «Kazakhstan Pipe Threaders» جشس «پرەميۋم» كلاس­تا گاز گەرمەتيكالىق جالعاۋمەن قۇبىرلاردى كەسۋ زاۋىتى, اقتاۋ حالىقارالىق تەڭىز ساۋدا پورتىن سولتۇستىك باعىتتا كەڭەيتۋ جونىندەگى جوباسى – «اقتاۋ تەڭىز سولتۇستىك تەرمينالى» جشس ەكونوميكالىق ايماقتا ىسكە اسىرىلعان ستراتەگيالىق جوبالار بولسا, 2016 جىلى پايدالانۋعا بەرىلگەن «ازەرسۋن ءوندىرىس جانە لوگيستيكا ورتالىعى» جشس ءىرى لوگيستيكالىق ورتالىعى بازاسىندا الەۋمەتتىك ماڭىزى بار ازىق-ت ۇلىك تاۋارلارىن ساقتاۋ ءۇشىن تۇراقتاندىرۋ قورى قۇرىلدى.

ەكونوميكالىق ايماقتا تۋريزم سالاسى بەلسەندى دامىپ كە­لەدى. ونىڭ ىشىندە ءىرى جوبا­لاردىڭ ءبىرى – «Sembol Constructon and Engineering» جشس 2020 جىلى پايدالانۋعا بەرگەن Rixos Water World Aktau كوپ­فۋنك­تسيو­نالدى قوناقۇي كەشەنى. اەا اۋماعىنداعى ءاربىر جوبا ءوزىنىڭ مۋلتيپليكاتيۆتىك اسەرىن كورسەتەدى, ەكسپورتقا جانە ىشكى سۇرانىستى جابۋعا باعدارلانعان ءونىمنىڭ جاڭا تۇرلەرى شىعارى­لا­دى, جاڭا جۇمىس ورىندارى قۇرىلادى, سالىق تۇسىمدەرى قامتاماسىز ەتىلەدى. «اقتاۋ تەڭىز پورتى» ارنايى ەكونوميكالىق ايماعىنىڭ وڭىردە جۇمىس ىستەۋى ەلەۋلى الەۋمەتتىك-ەكونوميكالىق تيىمدىلىككە نەگىزدەلگەن جانە وڭىر­گە ينۆەستيتسيالار تارتۋ ءۇشىن قو­لايلى الاڭ.

اتالعان الاڭدا بۇگىنگى بارمەن توقتاپ قالماي جۇمىستى جاڭ­عىر­تۋ مەن زاماناۋي جەتىلدىرۋ ۇنەمى نازاردا, جاڭعىرۋ ارقىلى جەتىس­تىك­كە جەتۋ باستى ورىندا تۇر.

ماڭعىستاۋ وبلىسى