ەكونوميكا • 08 جەلتوقسان، 2022

اۋە كومپانيالارىنا ايىپپۇل سالىندى

46 رەت كورسەتىلدى

يندۋستريا جانە ينفراقۇرىلىمدىق دامۋ مينيسترلىگىندە «اشىق ساعات الاڭىندا» وتاندىق اۆياكومپانيالاردىڭ اۋە كەمەلەرى پاركىن تولىقتىرۋ ماسەلەلەرىنە ارنالعان كەڭەس وتكىزىلدى. القالى جيىننىڭ كۇن تارتىبىندە اۋە كومپانيالارىنىڭ ۇشۋ باعى­تى كەستەلەرىن ۋاقتىلى ورىنداۋدىڭ ماڭىزدىلىعى، سون­داي-اق رەيستەردىڭ كەشىككەن نەمەسە توقتاتىلعان جاعدايدا جولاۋ­شى­لاردىڭ قۇقىقتارىنىڭ ساقتالۋى جونىندەگى ماسەلەلەر قارالدى.

«قازاقستان رەسپۋبليكاسىنىڭ اۋە كەڭىستىگىن پايدالانۋ جانە اۆياتسيا قىزمەتى تۋرالى» زاڭىنا سايكەس  رەيستىڭ كەشىگۋىنە اۋە كومپانياسى كىنالى بولعان جاعدايدا جولاۋشىلارعا سالقىن سۋسىن، ىستىق تاماق، قوناقۇيدە تۇرۋ مەن وعان بارىپ-قايتۋعا دەيىن كولىك تەگىن تۇردە ۇسىنىلۋعا ءتيىس»، دەدى ازاماتتىق اۆياتسيا كوميتەتى اۆياتسيالىق تاسىمالدار باسقارماسىنىڭ باسشىسى ادىلەت كوبەنوۆ.

بۇل ورايدا كورسەتىلەتىن قىز­مەت­تەر تالاپقا ساي ۇسىنىل­ماعان جاعدايدا اۋە كومپانياسى اكىمشىلىك جاۋاپقا تارتىلاتىنىن ايتا كەتۋ كەرەك. شىلدەدەن باس­تاپ رەيستەردىڭ كەشىگۋى سالدارىنان جولاۋشىلاردىڭ قۇقىقتارى ساقتالماعاندىقتان قازاقستاندىق اۋە كومپانيالارىنا 8 مىڭ (8 رەت) اەك سوماسىنا دەيىن ايىپپۇل سالىنعان. سونىمەن قاتار قول­دانىستاعى زاڭناماعا سايكەس جولاۋشىلار جۇمسالعان ءار ساعات ءۇشىن بيلەت قۇنىنىڭ 3 پايىزى مولشەرىندە (ايىپپۇل تۇرىندە) وتەماقى الۋعا قۇقىلى.

ءوز كەزەگىندە وتاندىق اۋە كومپانيالارى يندۋستريا جانە ينفراقۇرىلىمدىق دامۋ ءمي­نيسترى قايىربەك وسكەنباەۆتىڭ اۋە كەمەلەرى پاركىن ۇلعايتۋعا قا­تىس­تى تاپسىرماسىنىڭ ورىن­دالۋى جونىندە ايتىپ بەردى. م­اسەلەن، بيىل شىلدە­دەن باس­تاپ قازاقستاندىق تاسىمالداۋ­شى­لاردىڭ اۋە پاركى 7 ۇشاقپەن تولىقتىرىلدى. اتاپ ايتقان­دا، SCAT كومپانياسى 5 ۇشاق السا، Fly Arystan جانە «ەير استانا» اۋە وپەراتورلارى ءبىر-ءبىر ۇشاققا قول جەتكىزدى. بۇدان بولەك اۋە تاسىمالداۋشىلار جاڭا ۇشاقتاردى الۋعا بايلانىستى الداعى جوسپار­لارىمەن دە ءبولىستى. مىسالى، SCAT كومپانياسى «ب-737» ۇلگىدەگى تاعى 2 اۋە كەمەسىن، سونىمەن بىرگە Fly Arystan مەن «ەير استانا» تاعى دا ءبىر-ءبىر ۇشاقتان ساتىپ الۋ­دى كوزدەپ وتىر. قازىر كومپانيا­لار جاڭا باعىتتاردى اشۋ مەن قولدانىستاعى مارشرۋتتاردىڭ رەيستەرىن كوبەيتۋ بويىنشا جۇمىستى ىسكە اسىرىپ جاتقانىن ايتا كەتەيىك.

بۇعان قوسا كەڭەستە رەيس­تەر كەشىكتىرىلگەن جاعدايدا جولاۋ­شىلاردىڭ جاۋاپكەرشىلىگىن كۇ­شەيتۋ جونىندەگى قازىرگى زاڭ­نا­مانى جەتىلدىرۋ جوسپارلارى دا ايتىلدى.

اۆياتسيالىق تاسىمالدار باس­قارماسىنىڭ باسشىسى ا.كو­بەنوۆ قازاقستاندىق اۋە تاسى­مال­داۋشىلاردىڭ نازارىن رەيس­تەردى ۋاقتىلى ورىنداۋعا، سون­داي-اق ولار كەشىكتىرىلگەن كەزدە جولاۋ­شىلاردىڭ قۇقىقتارىن قاتاڭ ساقتاۋ قاجەتتىلىگىنە اۋداردى.

سوڭعى جاڭالىقتار

جسدپ ۇمىتكەرلەرىن انىقتادى

ساياسات • بۇگىن، 00:08

ۇلت ءۇمىتىن اقتاعان

رۋحانيات • كەشە

يكەمدى باعام رەجىمى

قارجى • كەشە

ابە

ادەبيەت • كەشە

Enbek.kz ءبارىن جەڭبەك

قوعام • كەشە

«حات قورجىن»

ەگەمەن قازاقستان • كەشە

ابىگەرگە تۇسىرگەن تولاسسىز جاۋىن

توتەنشە جاعداي • كەشە

باۋكەڭنىڭ كوپ قىرى

ادەبيەت • كەشە

ۇقساس جاڭالىقتار