ەلشى فەيسال ءال-فايەزدى پارلامەنت سەناتىنىڭ توراعاسى قىزمەتىنە قايتا سايلانۋىمەن قۇتتىقتاپ, وعان قازاقستان پارلامەنتى سەناتىنىڭ توراعاسى ماۋلەن اشىمباەۆتىڭ اتىنان قۇتتىقتاۋ حاتتى تابىس ەتتى.
كەزدەسۋ بارىسىندا تاراپتار قازاقستان مەن يوردانيا اراسىنداعى ەكىجاقتى ىنتىماقتاستىعىنىڭ قازىرگى جاعدايى تۋرالى پىكىر الماستى. قازاقستاندىق ديپلومات فەيسال ءال-فايەزدى 2022 جىلعى 20 قاراشادا قازاقستاندا وتكەن پرەزيدەنتتىك سايلاۋدىڭ قورىتىندىلارى جايلى حاباردار ەتتى. سونداي-اق جاڭادان سايلانعان قر پرەزيدەنتى قاسىم-جومارت توقاەۆ جاريالاعان اۋقىمدى ساياسي جانە ەكونوميكالىق رەفورمالار تۋرالى ايتىپ بەردى.
يوردانيا سەناتىنىڭ توراعاسى قازاقستاندا وتكەن سايلاۋعا جوعارى باعا بەرىپ, جاڭا 7 جىلدىق مەرزىمدە قازاقستان پرەزيدەنتىنىڭ ەلدىڭ ساياسي, الەۋمەتتىك-ەكونوميكالىق جۇيەسىن جاڭعىرتۋ جونىندەگى قادامدارى ءتيىمدى ىسكە اساتىنىنا سەنىم ءبىلدىردى.
