ەكىباستۇزدا ءبىر اپتادان استام ۋاقىتتان بەرى ۆولونتەرلەر شتابى جۇمىس ىستەپ تۇر. شتابتا «جاستار رۋحىنىڭ» جانە وزگە دە ۇيىمداردىڭ وكىلدەرى جۇمىس ىستەيدى.
«وسىنداي قيىن كەزدە جاعدايعا بەيجاي قاراماي كومەككە كەلىپ جاتقان مەتسەناتتار, ۇكىمەتتىك ەمەس ۇيىمدار, قازاقستاندىقتاردىڭ قاتارى كوپ. ەكىباستۇزداعى جىلۋسىز قالعان ۇيلەرگە 4,5 مىڭنان استام جىلىتقىش جەتكىزىلدى, ونىڭ 2,5 مىڭى ەلىمىزدىڭ ءار وڭىرىندەگى اماناتتىقتاردىڭ تاراپىنان بەرىلدى. ولاردىڭ ارقايسىسى مۇقتاج وتباسىلارعا جەتكىزىلەدى. بۇل جۇمىس, قالاداعى جاعداي تولىق تۇراقتالعانعا دەيىن جالعاسادى», دەپ اتاپ ءوتتى «Amanat» پارتياسى پاۆلودار وبلىستىق فيليالىنىڭ اتقارۋشى حاتشىسى يليا تەرەنچەنكو.
ول گۋمانيتارلىق كومەك ءبىر ورتالىقتان تاراتىلاتىنىن اتاپ ءوتتى. جىلىتقىش الۋعا وتىنىمدەر تەك ۆولونتەرلەر شتابى نەمەسە ەكىباستۇز قالاسى, پاۆلودار كوشەسى, 10 ءۇي مەكەنجايى بويىنشا قابىلدانادى.
