ساياسات • 05 جەلتوقسان، 2022

استانا مەن افينا ارىپتەستىگى

59 رەت كورسەتىلدى

استانادا پرەمەر-ءمينيستردىڭ ورىنباسارى – سىرتقى ىستەر ءمينيسترى مۇحتار تىلەۋبەردى گرەكيا سىرتقى ىستەر ءمينيسترى نيكولاوس دەندياسپەن كەلىسسوز جۇرگىزدى. كەزدەسۋدەن كەيىن ۆەدومستۆو باسشىلارى جۋرناليستەرگە ارناپ ءباسپاسوز ءماسليحاتىن وتكىزدى.

«گرەكيا – ءبىزدىڭ وڭتۇستىك ەۋرو­پ­اداعى ماڭىزدى ساياسي جانە ەكونو­ميكالىق ارىپتەستەرىمىزدىڭ ءبىرى. بيىل ءبىز ديپلوماتيالىق قاتى­ناس­تاردىڭ 30 جىلدىعىن اتاپ ءوتىپ وتىر­مىز. نيكولاوس دەن­دياس مىر­زا ەكەۋىمىز اشىق­تىق پەن تو­لىق ءوزارا تۇسىنىستىك رۋحىندا ساياسي جانە ساۋدا-ەكونو­ميكالىق سالا­لارد­اعى ەكى­جاق­تى قارىم-قاتىناس­تار­دىڭ بولاشاعىن، سونداي-اق حالىق­ارالىق ۇيىمدار اياسىنداعى ىنتىماقتاستىقتى تالقىلادىق.

بيىل ەكىجاقتى ساۋدا-ەكونو­مي­كالىق جانە گۋماني­تارلىق ىنتى­ماق­تاستىقتىڭ سەرپىندى بولعانىن اتاپ وتكىم كەلەدى. گرەكيا – ءبىزدىڭ نەگىزگى ساۋدا ارىپتەسىمىز. 2022 جىلدىڭ ون ايى ىشىندە قازاقستان مەن گرەكيا اراسىنداعى تاۋار اينالىمى 1،4 ملرد دوللاردى قۇرادى. بۇل وتكەن جىلدىڭ ۇقساس كەزەڭىمەن سالىستىرعان­دا 28 پايىزعا ارتىق»، دەدى م.تىلەۋبەردى.

سىرتقى ىستەر ءمينيسترىنىڭ ايتۋىنشا، 20 ماۋسىمدا جاڭا ەكونوميكالىق الاڭ – قازاق­ستان-گرەك ىسكەر كەڭەسى ءوز جۇ­مىسىن باستادى. بۇل ىسكەر توپتاردىڭ ءوزارا ءتيىمدى قارىم-قاتىناس ورناتۋعا دەگەن قىزىعۋشىلىعىنىڭ ارتىپ وتىرعانىنىڭ دالەلى.

«سونىمەن قاتار «ەير استانا» بيىل جازعى تۋريستىك ماۋ­­سىمدا الماتى مەن يراك­ليون ارا­سىندا تىكەلەي رەيس اشىپ، كوپ­تە­گەن قازاقستان ازاماتتارى گرە­كيانىڭ كريت ارالىندا دە­مالۋعا مۇمكىندىك الدى. ەكو­نو­ميكالىق جانە تەحنولو­گي­يا­لىق ىنتىماقتاستىق جونىن­دەگى قازاقستان-گرەكيا ۇكىمەت­ارالىق كوميسسياسىنىڭ 5-وتىرىسى بيىلعى ەكىجاق­تى ىنتى­ماقتاستىقتا تاعى ءبىر ماڭىزدى وقيعا بولدى. وتىرىس حاتتاماسى تاراپتاردىڭ ساۋ­دا، ەكونوميكا، ينۆەستيتسيا، ەنەرگەتيكا، كولىك، ءبىلىم جانە عىلىم سالالارىن­داعى قارىم-قاتىناستاردى ودان ءارى دامىتۋ جونىندەگى نەگىزگى ۋاعدالاستىقتارىن بەكىتتى.

گرەكيانىڭ وكىلدى دەلەگاتسياسى ۇكىمەتارالىق كوميسسيا وتىرى­سىمەن قاتار جاھان­دىق ينۆەس­تي­تسيالار جونىندەگى دوڭگەلەك ۇستەل جۇمىسىنا دا قاتىسىپ، اگروونەركاسىپتىك كەشەن سالاسىن­داعى ىنتىماقتاس­تىق، سونداي-اق ينۆەستيتسيالىق ءوزارا ءىس-قيمىل تۋرالى ەكىجاقتى قۇجاتتارعا قول قويدى»، دەدى م.تىلەۋبەردى.

ۆەدومستۆو باسشىسى قازاق­­ستاندا تۇراتىن گرەك دياس­پورا­سىن حالىقتار مەن مەم­لە­كەت­تەردى بايلانىستىراتىن كوپىر­گە تەڭەدى. ماسەلەن، قازاق­ستاندا گرەك داستۇرلەرى مەن ادەت-عۇ­رىپتارىن قولدايتىن 17 ايماق­تىق قوعامدى قامتيتىن «فيليا» قازاقستان گرەك قوعام­دارى اسسوتسياتسياسى جۇمىس ىستەيدى.

«25 قاراشادا گرەكيانىڭ احارنا قالاسىندا قازاقستان مەن گرەكيا اراسىنداعى ديپلو­ماتيا­لىق قارىم-قاتىناستىڭ 30-جىلدىعىنا وراي ەسكەرتكىش ورنا­تىلدى. ەلدەرىمىزدىڭ سىرت­قى ساياسي مەكەمەلەرى اراسىندا ديپلوماتيالىق قىزمەتكەرلەردى دايار­لاۋ سالاسىنداعى ىنتىماق­تاستىق تۋرالى مەموراندۋمعا قول قويدىق.

جالپى، كەلىسسوزدەردىڭ ناتي­جەلەرى ەلدەرىمىز اراسىنداعى ءوزارا ءتيىمدى ىنتىماقتاستىقتى تولىق ۇلعايتىپ، كەڭەيتۋگە دەگەن ءوزارا مۇددەنى راستادى. دەندياس مىرزانىڭ قازاقستانعا رەسمي ساپارى استانا مەن افينا ارا­سىنداعى ەكىجاقتى جانە كوپ­جاقتى فورماتتاعى جان-جاقتى ىنتى­ماقتاستىقتى ودان ءارى تەرەڭ­دەتۋگە قوسىمشا سەرپىن بەرەتىنىنە سەنىمدىمىن»، دەدى م.تىلەۋبەردى.

ءوز كەزەگىندە نيكولاوس دەن­دياس قازاقستان گرەكيا مەن بار­لىق ەۋروپالىق وداق ءۇشىن سەنىمدى ەنەرگەتيكالىق سەرىك­تەس دەپ مالىمدەدى. سون­داي-اق ايماقتاعى كولىك ينفراقۇرى­لىمىن دامىتۋ بويىنشا دا تالقىلاۋ جۇرگەنىن حابارلادى.

«قازاقستان مەن ەۋروپالىق وداق ارا­سىنداعى قارىم-قاتى­ن­اس­تىڭ ماڭىزىنا توقتال­دىق. گرەكيا بۇل باعىتتاعى ىن­تى­ماق­تاس­تىقتىڭ ءارى قاراي دامۋى­نا كۇش سالۋعا نيەتتى. سون­داي-اق ءبىز كەڭەيتىلگەن سەرىك­تەس­تىك پەن ىنتىماقتاستىق تۋرا­لى كەلىسىم­نىڭ كۇشىنە ەنۋىن قۇپ­تاي­مىز»، دەدى نيكولاوس دەندياس.

سونداي-اق ن.دەندياس اقتاۋ قالاسىندا گرەكيا كونسۋلدىعىن اشۋعا كومەكتەسكەنى ءۇشىن ەل ۇكىمەتىنە العىس ءبىلدىردى.

«گرەكيا مەن قازاقستان ءبىر-بىرىنەن الىس قاشىقتىقتا ورنا­لاس­قان. بىراق ارامىزداعى دوستىق قارىم-قاتىناس وتە جوعارى ما­ڭىزعا يە. قازاقستاندا 10 مىڭ گرەك ۇلتىنىڭ وكىلى تۇرسا، گرەكيادا مىڭداعان قازاق­ستاندىق تۇرادى. بۇل ءبىزدىڭ بەرىك دوستىعىمىزدىڭ ناتيجەسى دەپ بىلەمىن. سونىمەن بىرگە قازاقستان ۇكىمەتىنە ريزاشىل-ىعىمدى بىلدىرگىم كەلەدى. بۇدان ءارى قاراي دا ىنتىماقتاستىق بايلانىسىمىزدى بۇۇ ارقىلى جۇرگىزەمىز دەگەن ۇمىتتەمىن»، دەدى گرەكيا سىرتقى ىستەر ءمينيسترى.

سوڭعى جاڭالىقتار

جاڭا باعىت

ساياسات • كەشە

ءورت: قاۋىپ پەن ساقتىق

توتەنشە جاعداي • كەشە

تۇلعا تۋرالى تۋىندى

ادەبيەت • كەشە

جولبارىس جىمى

ادەبيەت • كەشە

ەل سەنىمىن جالعاعان جوبا

ەكولوگيا • كەشە

جەلاياقتار استانادا جينالادى

جەڭىل اتلەتيكا • كەشە

جانىبەكتى جەكپە-جەككە شاقىردى

كاسىپقوي بوكس • كەشە

ۇقساس جاڭالىقتار