فوتو: كونستانتين شەلكوۆ
ەكىباستۇزدا پاتەرلەردىڭ بىرىندە ەر ادامنىڭ ءۇسىپ قايتىس بولعانى تۋرالى WhatsApp جەلىسىندەگى حابارلامانىڭ جالعان ەكەنى انىقتالدى. قالا اكىمدىگىنىڭ ءباسپاسوز قىزمەتى, شىنىمەن دە, ۇيلەردىڭ بىرىندە زەينەتكەردىڭ قايتىس بولعانىن, بىراق وعان پاتەردىڭ سۋىق بولۋى سەبەپ بولماعانىن ءتۇسىندىردى.
ءتارتىپ ساقشىلارىنىڭ مالىمەتىنشە, زەينەتكەر كوزى تىرىسىندە قان قىسىمىنان زارداپ شەككەن.
رavlodarnews.kz سايتى ەكىباستۇز قالاسىنداعى پاتەرلەردىڭ بىرىندە ەر ادامنىڭ ەسىنەن تانىپ قالعانى تۋرالى حابارلاما جەدەل جاردەم ستانتسياسىنا ساعات 17:32-دە تۇسكەنىن جازعان.
- مەديتسينالىق قىزمەتكەرلەر 8 مينۋتتا جەتتى. وقيعا ورنىندا دارىگەرلەر 70 جاستاعى ەر ادامنىڭ كوز جۇمعانىن انىقتادى. ەشقانداي ۇسىك بەلگىلەرى بايقالمادى, - دەپ جازىلعان حابارلامادا.
ساعات 17:50-دە پاتەرگە پوليتسيا شاقىرىلعان. ەر ادام كوز جۇمعان كەزدە ونىڭ جۇبايى قاسىندا بولعان. پوليتسەيلەر ەر ادامنىڭ دەنەسىندە زورلىق-زومبىلىق بەلگىلەرى جوق ەكەنىن اتاپ ءوتتى.
