پارلامەنت • 03 جەلتوقسان، 2022

سەناتورلار وزەكتى ماسەلەلەردى تالقىلادى

160 رەت كورسەتىلدى

استانادا «قازاقستان رەسپۋبليكاسى پارلامەنتىنىڭ قوعامعا ينستيتۋتسيونالدىق اشىقتىعى» اتتى حالىقارالىق كونفەرەنتسيا بولدى. سەناتورلار قازاقستانداعى پارلامەنتاريزمدى دامىتۋ قورىنىڭ، اقپارات جانە قوعامدىق دامۋ مينيسترلىگىنىڭ، USAID، Internews جانە استاناداعى ەقىۇ باعدارلامالار كەڭسەسىنىڭ وكىلدەرىمەن بىرگە پارلامەنتشىلەردىڭ ازاماتتىق قوعام كوشباسشىلارىمەن ءوزارا ءىس-قيمىلىنىڭ وزەكتى ماسەلەلەرىن تالقىلادى.

سەنات توراعاسىنىڭ ورىنباسارى اسقار شاكىروۆ ءوز سوزىندە ەلىمىزدىڭ پرەزيدەنتى قاسىم-جومارت توقاەۆتىڭ ساياساتىنداعى باسىمدىقتاردىڭ ءبىرى – بيلىك پەن قوعام اراسىنداعى ديالوگتى دامىتۋ، ازاماتتاردىڭ مەملەكەتتى باسقارۋعا قاتىسۋىن كەڭەيتۋ ەكەنىن اتاپ ءوتتى.

«مەملەكەت باسشىسى بىرنەشە رەت اتاپ وتكەندەي، ءبىزدىڭ قوعامدى تولعاندىراتىن نەگىزگى پروبلەمالار وركەنيەتتى ازاماتتىق ديالوگ اياسىندا پارلامەنتتە تالقىلانىپ، شەشىمىن تابۋى ءتيىس. قازىرگى كەزەڭدە ينكليۋزيۆتىلىكتى ارتتىرۋ، زاڭ شىعارۋشى ورگاندا ءارتۇرلى ساياسي كۇشتەر مەن الەۋمەتتىك توپتاردىڭ وكىلدىگىن كەڭەيتۋ، دەپۋتاتتىق كورپۋس جۇمىسىندا قوعامعا اشىقتىق پەن ترانسپارەنتتىلىك ماڭىزدى ۇستانىمدار بولىپ تابىلادى»، دەپ اتاپ ءوتتى اسقار شاكىروۆ.

توراعا ورىنباسارى «حالىق ۇنىنە قۇلاق اساتىن مەملەكەت» تۇجىرىمداماسىنىڭ قاعيداتتارىنا سايكەس پارلامەنتتە ازاماتتىق قوعاممەن جانە ساراپشىلارمەن ديالوگ جۇرگىزۋ ءۇشىن ارنايى الاڭدار قۇرىلعانىن اتاپ ءوتتى.

سەنات جانىندا زاڭ شىعارۋ قىزمەتىندەگى جاس ساراپشىلاردىڭ الەۋەتىن دامىتۋعا باعىتتالعان جاس ساراپشىلار كلۋبى قۇرىلدى. سونداي-اق سەناتورلار كەڭەسى، «ۇلتتىق مۇددە» ديالوگ الاڭى جانە جەرگىلىكتى وكىلدى ورگاندارمەن ءوزارا ءىس-قيمىل جونىندەگى كەڭەس جۇمىس ىستەيدى.

سونىمەن قاتار زاڭ جوبالارىن جۇمىس توپتارى اياسىندا تالقىلاۋعا ۇكىمەتتىك ەمەس سەكتوردىڭ، عىلىمي جانە ساراپتامالىق قوعامداستىقتىڭ وكىلدەرى دە قاتىسادى. بۇل رەتتە ونىڭ اسا ماڭىزدى زاڭداردى ازىرلەۋ جانە قابىلداۋ كەزىندە ەرەكشە ءمانى بار.

كەزدەسۋگە قاتىسۋشىلار پارلامەنتتىڭ زاڭ شىعارۋ قىزمەتى اياسىنداعى ءوزارا ءىس-قيمىلدىڭ بۇدان بىلايعى جولدارىن تالقىلادى جانە وسى باعىتتاعى بىرلەسكەن جۇمىستى جالعاستىرۋعا دايىن ەكەندىكتەرىن ءبىلدىردى.

سوڭعى جاڭالىقتار

اۆتوجول قۇرىلىسىنىڭ قارقىنى

ايماقتار • بۇگىن، 08:46

ينۆەستيتسيالىق تابىس

ەكونوميكا • بۇگىن، 08:44

جەلىگە «جەلىمدەلگەندەر»

ەكونوميكا • بۇگىن، 08:35

قوردىڭ قوماقتى قولداۋى

ەكونوميكا • كەشە

وتەماقىعا ءوتىنىش بەر

ەكونوميكا • كەشە

وتباسىندا – 36 بالا

قوعام • كەشە

سۋ باسۋدىڭ قاۋىپ-قاتەرى

ايماقتار • كەشە

تۇماۋدان ساق بولىڭىز!

مەديتسينا • كەشە

كۇرە جولداعى اپات

ايماقتار • كەشە

سەنى وسىلاي سۇيەمىن

ادەبيەت • كەشە

اعاش ادام

ادەبيەت • كەشە

ۇقساس جاڭالىقتار