ء«بىزدىڭ ورتالىقتا باۋىر وبىرىن ەمدەۋ تاسىلدەرى الەمدىك دەڭگەيگە قويىلدى. ءمينينۆازيۆتى باۋىر وپەراتسيالارى دياگنوز قويىلعاننان باستاپ باۋىر ترانسپلانتاتسياسىنا دەيىنگى كومەكتى قامتيدى. 2017 جىلى قازاقستاندا جانە تمد ەلدەرىندە العاش رەت سىزعانوۆ اتىنداعى حيرۋرگيا ورتالىعىندا باۋىر ەحينوكوككوزىن ەمدەۋدىڭ جاڭا تەرى-باۋىر ءادىسى ەنگىزىلدى. باۋىرعا ءمينينۆازيۆتى وپەراتسيالار بۇكىل ورتا ازيادا تەك ءبىزدىڭ مەملەكەتتە, سونىڭ ىشىندە حيرۋرگيا ورتالىعىندا عانا جاسالادى», دەپ اتاپ ءوتتى ەلىمىزدىڭ جەتەكشى حيرۋرگى.
كلينيكادا ونكولوگيالىق اۋرۋلار كەزىندە ءمينينۆازيۆتى تەحنولوگيالاردى جانە ودان ءارى وڭەش پلاستيكاسىن قولدانا وتىرىپ, وڭەشكە كۇردەلى وپەراتسيالار جاسالادى. بۇل وپەراتسيا سىزعانوۆ اتىنداعى كلينيكادا دا ءساتتى جۇرگىزىلىپ, كوپتەگەن پاتسيەنتتەرگە ءومىر ساپاسى مەن دەنساۋلىق كورسەتكىشتەرىن ارتتىرۋعا مۇمكىندىك بەرەدى ەكەن.
ايتا كەتەيىك, ورتالىق 2011 جىلدان باستاپ ەرەسەكتەردە دە, بالالاردا دا باۋىر ترانسپلانتاتسياسىن ءساتتى جۇرگىزىپ كەلەدى.
