قوعام • 30 قاراشا، 2022

بەيسەن قۇرانبەك ءتۋرنيرى

80 رەت كورسەتىلدى

«ايتۋعا وڭاي»، «قارەكەت» توكشوۋى ارقىلى قازاقتىڭ جۇرەگىن ەلجىرەتكەن قازىنالى جۋرناليست بەيسەن قۇرانبەكتى ەسكە الۋعا ارنالعان باق وكىلدەرى اراسىندا رەسپۋبليكالىق تۋرنير ءوتتى. تالدىقورعان قالاسىندا وسىمەن ءۇشىنشى رەت جالاۋىن جەلبىرەتكەن ءداستۇرلى جارىسقا ءار وڭىردەن كەلگەن سەگىز كوماندا قاتىستى.

ءدۇبىرلى دودانىڭ اشىلۋ سال­تاناتىنا بەيسەن قۇران­بەكتىڭ ارىپتەستەرى، تۋعان-تۋىس­تارى، زايىبى قاتىسىپ، الىس­تان ارنايى كەلگەن جۋرناليس­تەرگە العىس ايتتى. «جەتىسۋ» تەلەارناسىنىڭ ديرەكتورى سە­رىك ابىكەن، «ولكە تىنىسى» جشس ديرەكتورى دوسان اتان­تەلوۆ، جەتىسۋ وبلىسى اكى­مىنىڭ ورىنباسارى رۋستام ءالي جانە دودانىڭ دەمەۋشىسى «مە­ديالاب» اقپاراتتىق ورتا­لىعىنىڭ جەتەكشىسى ريشات اسقاربەك ۇلى ءسوز سويلەپ، ەس­تەلىكتەرىمەن ءبولىستى.

جارىس باستالماس بۇرىن بەيسەن قۇرانبەك جايلى بەي­نەۇزىندى كورسەتىلىپ، جۇرت مار­قۇمدى ءبىر مينۋت ۇنسىزدىك­پەن ەسكە الدى.

دوداعا كەلگەن 8 كوماندا ەكى توپقا ءبولىنىپ، دوپ تەپتى. كەلگەن كوماندالاردىڭ وسالى جوق. استانادان جەتكەن «حابار» كومانداسى باق ليگا ويىندارىنىڭ بىرنەشە دۇركىن چەمپيونى، ساپىندا گرۋزيادا  كوتە ماحارادزە اتىنداعى جۋرناليستەر اراسىنداعى حا­لىقارالىق ءتۋرنيردىڭ جەڭىم­پازدارى بار. سونىمەن قاتار سىر وڭىرىندە وتكەن ءتۋرنيردىڭ چەمپيونى استانالىق «ەكس­پرەسس-ك» دا وسال ەمەس. «شى­عىس-اقپارات» ويىنشىلارى دا جۇل­دەدەن دامەلى. وتكەن جىلى وسى ءتۋرنيردىڭ چەمپيونى اتان­عان «الماتى» قۇراماسى دا ويىن­نان الار ۇلەسىمىز بار دەپ كەلگەنى انىق.

بەيسەن قۇرانبەك اتىنداعى ءتۋرنيردىڭ كۋبوگىن ەنشىلەيمىز دەپ كەلگەن كوماندالار كۇنى بويى دوپ تەۋىپ، مىقتىنى انىق­تادى. ءتۋرنيردىڭ بەتاشار دوبىن فۋتزالدان ۇلتتىق قۇراما مۇشەسى جومارت توقاەۆ ويىنعا قوسىپ، جارىستىڭ جولىن اشتى.

توپتىق كەزەڭدە قارا ءۇزىپ شىق­قانداردىڭ اراسىندا تال­دىقورعاندىق «قارە­كەت»، استانالىق «حابار»، «ەكسپرەسس-ك»، تارازدان كەلگەن «تاراز-پرەسس» كومانداسى بولدى. وسى 4 مىقتىنىڭ اراسىنان جارىستىڭ چەمپيونى انىقتالدى. دودانىڭ تاعى ءبىر ەرەكشەلىگى – باسەكەگە العاش رەت «قازاقفيلم» كومانداسىنىڭ قاتىسۋى جانە «جەتىسۋ» ارنا­سىنىڭ «يۋتۋب» كانالىندا تىكەلەي ترانسلياتسيا ءجۇرىپ، جان­كۇيەرلەردىڭ دوپ دوداسىن كو­رۋگە مۇمكىندىك جاسالعانى.

مىنە، وسى تىكەلەي كورسە­تىلىمدى تاپجىلماي قاراپ وتىر­عان جانكۇيەرلەردىڭ بىرقاتارى جەڭىستى «حابارعا» ۇستاتسا، ءبىرى «ەكسپرەسس-ك» كومانداسىنىڭ قانجىعاسىنا بايلاپ جاتتى.

سونىمەن، جارتىلاي فينالدا «قارەكەت» پەن «تاراز-پرەسس» كومانداسىنىڭ جولى ءتۇيىسىپ، اقتىق سىنعا تالدىقورعاندىق «قارەكەت» شىقتى. ال «حابار» مەن «ەكسپرەسس-ك» اراسىنداعى ويىندا الماتىلىق ۇجىمنىڭ جولى بولدى. ءۇشىنشى ورىن ءۇشىن تالاستا «حابارلىقتار» جەڭىسكە جەتىپ، ءتۋرنيردىڭ قولا جۇلدەسىن ەنشىلەسە، فينالدا تەڭ تۇسكەن «قارەكەت» پەن «ەكس­پرەسس-ك» تارتىستى ويىن ور­نەگىمەن جانكۇيەرلەردىڭ ەسىندە قالدى. تالدىقورعاندىق كوماندا جۇلدەنى الىپ قالۋدى ءجون كورمەي، قوناقتاردىڭ قان­جىعاسىنا بايلاۋ ارقىلى كۇمىس جۇلدەنى قاناعات ەتتى.

ءبىرىنشى ورىن يەگەرى «ەكس­پرەسس-ك» كومانداسىنا 800 مىڭ تەڭگەنىڭ سەرتيفيكاتى، كۋبوك جانە مەدال تابىستالدى. ەكىنشى ورىنعا 600 مىڭ، ءۇشىنشى ورىنعا 400 مىڭ جانە ءتورتىنشى ورىنعا 200 مىڭ تەڭگە بەرىلدى. سونداي-اق بىرنەشە نوميناتسيا جانە ارنايى جۇماتاي جاقىپباەۆ پەن نۇرتىلەۋ يمان­عالي ۇلى اتىنداعى جۇلدە دە تابىستالدى.

جارىسقا كەلگەن كومان­دانىڭ بارلىعى جۇلدەسىز قايت­قان جوق. وسىلايشا، جو­عارى دەڭگەيدە وتكەن بەيسەن قۇران­بەك اتىنداعى تۋرنيرگە قو­ناقتار ءدان ريزا بولدى.

 

جەتىسۋ وبلىسى

سوڭعى جاڭالىقتار

دەپوزيت تە، كرەديت تە ءوستى

ەكونوميكا • بۇگىن، 08:57

ماسكۇنەمدىك ۇلتتى ازدىرادى

قوعام • بۇگىن، 08:55

سۋبسيديالاۋدىڭ جاڭا جۇيەسى

ەكونوميكا • بۇگىن، 08:53

مەديتسينا اكادەميگى

مەديتسينا • بۇگىن، 08:50

جاساندى ينتەللەكت R&D-زەرتحاناسى

تەحنولوگيا • بۇگىن، 08:45

«اكەم كەلەدى»

ونەر • بۇگىن، 08:35

جاڭارۋ جوسپارى

ايماقتار • كەشە

ءباسى اسپانداعان التىن

ەكونوميكا • كەشە

100 جانە 99

پىكىر • كەشە

پايدالى نۇسقاۋلىق

قوعام • كەشە

قىمبات قۇجات

قازاقستان • كەشە

تەگىن ءبىلىم الادى

ءبىلىم • كەشە

5G: جەلىگە قوسىلۋ جەدەلدىگى

تەحنولوگيا • كەشە

كەستەلى شاپان

جادىگەر • كەشە

قىراۋدان جازىلعان حات

ادەبيەت • كەشە

ناۋەن حازىرەتتىڭ ءمورى

جادىگەر • كەشە

ۇقساس جاڭالىقتار