پرەزيدەنت • 30 قاراشا، 2022

پرەزيدەنت ەىدۇ باس حاتشىسى ماتياس كورمانمەن كەزدەستى

104 رەت كورسەتىلدى

مەملەكەت باسشىسى قاسىم-جومارت توقاەۆ فرانتسياعا جاساعان رەسمي ساپارى اياسىندا ەكونوميكالىق ىنتىماقتاستىق جانە دامۋ ۇيىمىنىڭ باس حاتشىسى ماتياس كورمانمەن كەزدەستى، دەپ حابارلايدى Egemen.kz اقورداعا سىلتەمە جاساپ.

كەزدەسۋ بارىسىندا پرەزيدەنت قازاقستان مەن ەىدۇ اراسىنداعى تابىستى ىنتىماقتاستىق دەڭگەيىنە توقتالدى.

«كەشە پرەزيدەنت ماكرونمەن كەزدەسۋدە ءبىز ەكىجاقتى قارىم-قاتىناسىمىزدىڭ كوپتەگەن اسپەكتىسىنە قاتىستى ۇستانىمدارىمىزدى ناقتىلاپ، ماڭىزدى قۇجاتتارعا قول قويدىق. سونىمەن قاتار ەكونوميكالىق ىنتىماقتاستىق جانە دامۋ ۇيىمىمەن ءوزارا بايلانىس قازاقستان ءۇشىن ارقاشان باسىم باعىتتىڭ ءبىرى بولعانىن اتاپ وتكىم كەلەدى. ءسىزدىڭ ۇيىمىڭىزبەن بايلانىسىمىزدى ساقتاۋعا نيەتتىمىز. سونداي-اق ەلىمىزدىڭ ەكونوميكالىق دامۋىنا قاتىستى ۇيىمنىڭ ۇسىنىستارى مەن كەڭەستەرى ءۇشىن ريزاشىلىعىمىزدى بىلدىرەمىز»، دەدى قاسىم-جومارت توقاەۆ.

يت

ۇيىممەن ىنتىماقتاستىق ورناتقالى بەرى قازاقستان ەىدۇ-نىڭ 42 قۇقىقتىق قۇجاتىنا قول قويعان، 37 ورگانىنىڭ جۇمىسىنا قاتىسادى جانە ءتۇرلى سالالىق قۇجاتتىڭ بەلسەندى مۇشەسى. سونىمەن قاتار قازاقستان ەىدۇ-نىڭ ەۋرازيا ەلدەرىنىڭ باسەكەگە قابىلەتىن ارتتىرۋ، جەمقورلىقپەن كۇرەس جانە جاسىل ەكونوميكانى دامىتۋ جونىندەگى وڭىرلىك باستامالارىنا بەلسەندى تۇردە قولداۋ كورسەتەدى.

پرەزيدەنتتىڭ ايتۋىنشا، قازاقستان ۇكىمەتى مەن ەىدۇ اراسىندا قول قويىلعان ءوزارا تۇسىنىستىك تۋرالى مەموراندۋم اياسىنداعى بىرلەسكەن باستامالاردىڭ اۋقىمىن كەڭەيتۋ ۇيىممەن ىنتىماقتاستىقتى ودان ءارى جالعاستىرۋدا ماڭىزدى قادام بولادى.

ءوز كەزەگىندە ماتياس كورمان قازاقستاننىڭ ۇيىممەن تابىستى ىنتىماقتاستىعىن  وڭ باعالايتىنىن جەتكىزدى.

كەزدەسۋ ناتيجەسى بويىنشا قازاقستان رەسپۋبليكاسى ۇكىمەتى مەن ەكونوميكالىق ىنتىماقتاستىق جانە دامۋ ۇيىمى اراسىنداعى ءوزارا تۇسىنىستىك تۋرالى مەموراندۋمعا وزگەرىستەر ەنگىزۋ تۋرالى حاتتاماعا قول قويىلدى.

سونداي-اق قاسىم-جومارت توقاەۆ ۇيىمنىڭ «قۇرمەتتى قوناقتار كىتابىنا» ەستەلىك قولتاڭبا قالدىردى.

يو

سوڭعى جاڭالىقتار

ۇقساس جاڭالىقتار