عىلىم, جوعارى ءبىلىم جانە ءتىل ساياساتى ماسەلەلەرى جونىندەگى قوعامدىق كەڭەستىڭ العاشقى وتىرىسىنا مينيستر ساياسات نۇربەك قاتىسىپ, ۆەدومستۆونىڭ الداعى جوسپارلارىنا توقتالدى.
«جاڭادان قۇرىلعان مينيسترلىكتىڭ الدىنا مەملەكەت باسشىسى ۇلكەن مىندەتتەر قويىپ وتىر. عىلىم مەن جوعارى ءبىلىم سالاسىنا قاتىستى بارلىق شەشىمدەردى وزدەرىڭىزدىڭ تالقىلاۋلارىڭىزعا ۇسىنامىز. سەبەبى قوعامدىق كەڭەستىڭ جۇمىسى ارنايى زاڭمەن ايقىندالعان. قۇزىرەتى دە جوعارى. جۇرتشىلىقتىڭ, ازاماتتىق قوعامنىڭ پىكىرىن ەسكەرىپ, بىزگە قولداۋ كورسەتەدى دەپ سەنەمىز», دەدى مينيستر.
وتىرىسقا قوعامدىق كەڭەستىڭ 17 مۇشەسىنىڭ 11-ءى وفلاين, 6-ۋى ونلاين قاتىستى. داۋىس بەرۋ ارقىلى عىلىم جانە جوعارى ءبىلىم سالاسىندا, سونداي-اق قوعامدىق كەڭەس جۇمىسىن جۇرگىزۋدە تاجىربيەسى مول قوعام قايراتكەرى سەرىك ىرساليەۆ قوعامدىق كەڭەس توراعاسى بولىپ سايلاندى.
مينيسترلىكتىڭ سالالىق باعىتى ەسكەرىلىپ, 5 كوميسسيا قۇرىلدى. ولاردىڭ توراعالارى سايلاندى. اتاپ ايتقاندا, نورماتيۆتىك-قۇقىقتىق اكتىلەردىڭ جوبالارىن قاراۋ جانە سىبايلاس جەمقورلىققا قارسى ءىس-قيمىل ماسەلەلەرى بويىنشا كوميسسيا توراعاسى – «د.سەرىكباەۆ اتىنداعى شىعىس قازاقستان تەحنيكالىق ۋنيۆەرسيتەتى» كوممەرتسيالىق ەمەس اكتسيونەرلىك قوعامىنىڭ عىلىمي كەڭەسشىسى جاسۇلان شايماردانوۆ; بيۋدجەت ماسەلەلەرى بويىنشا كوميسسيا توراعاسى – پارلامەنت ءماجىلىسىنىڭ دەپۋتاتى يرينا سميرنوۆا; عىلىم ماسەلەلەرى بويىنشا كوميسسيا توراعاسى – «QazBioPharm» ۇلتتىق حولدينگى» اكتسيونەرلىك قوعامىنىڭ باسقارما توراعاسى كۇنسۇلۋ زاكاريا; جوعارى ءبىلىم ماسەلەلەرى بويىنشا كوميسسيا توراعاسى – ازاماتتىق قوعام وكىلى امانتاي نۇرماعامبەتوۆ; ءتىل ساياساتى ماسەلەلەرى بويىنشا كوميسسيا توراعاسى – پارلامەنت ءماجىلىسىنىڭ دەپۋتاتى ماقپال تاجماعامبەتوۆا.
جيىن سوڭىندا ءۇش جىلعا سايلانعان قوعامدىق كەڭەستىڭ تورالقاسى بەكىتىلدى.
