«پاركينسون سىرقاتى مازالايتىن 52 جاستاعى استانا تۇرعىنىن دارىگەرلەر قيمىل-قوزعالىس فۋنكتسيالارىنىڭ بۇزىلىسىنان قۇتقاردى. ناۋقاسقا «وڭ جاق ستەرەوتاكتيكالىق تالاموتوميا» وتاسى جاسالدى. باسقاشا ايتقاندا, ناۋقاس باس سۇيەگى ارقىلى ميدىڭ ورتاسىنا تەرەڭ ەنىپ, سۋبتالاميكالىق يادروعا توك وتەتىن كىشكەنتاي ەلەكترودتار ەنگىزىلدى. قۇرىلعى اۋرۋدان زارداپ شەككەن مي جاسۋشالارىنىڭ جۇمىسىن تەرەڭ ىنتالاندىرادى. يمپۋلستار ميدىڭ زاقىمدالعان بولىكتەرىنە تىكەلەي ەنىپ, ولاردىڭ قىزمەتىن تەزدەتەدى. وسىلايشا, پاركينسون اۋرۋىنىڭ بەلگىلەرىن جەڭىلدەتۋگە مۇمكىندىك بەرەدى جانە ونىڭ اعىمىن باياۋلاتادى. وتا كۆوتا بويىنشا, ءمامس اياسىندا جاسالدى», دەپ جازىلعان حابارلامادا.
ۇلتتىق نەيروحيرۋرگيا ورتالىعىنا استانا قالاسىنىڭ 52 جاستاعى تۇرعىنى مەديتسينالىق كومەككە جۇگىندى. ناۋقاستىڭ ايتۋىنشا, ول 2016 جىلدان بەرى پاركينسون اۋرۋىمەن اۋىرىپ كەلەدى. وسى ۋاقىت ىشىندە ەر ادام ۇنەمى نەيروحيرۋرگيا ورتالىعىنىڭ ماماندارىنان كەڭەس الىپ تۇرعان. تامىرلى جانە فۋنكتسيونالدى نەيروحيرۋرگيا ءبولىمى ماماندارىنىڭ باقىلاۋىمەن ۇزاق ۋاقىت بويى ءدارى-دارمەكتەر ارقىلى ەم (تۇزەتۋ تەراپياسىن) الدى. بىراق ناۋقاستىڭ جاعدايى جاقسارمادى, قيمىل-قوزعالىس فۋنكتسيالارى بۇزىلا باستادى, قولدارى مۇلدەم «تىڭدامايتىن» بولدى. ەكى قولى قاتتى دىرىلدەيتىنى سونشالىق, كۇندەلىكتى ومىرىندە كەدەرگى كەلتىردى, بۇلشىق ەتتەرى يكەمگە كەلمەي, دەنەسى سىرەسىپ, قاتايىپ كەتكەن. حيرۋرگيالىق ەمنىڭ وڭ اسەرى مەن قاۋىپتى جاقتارىن تارازىلاي كەلە, ەر ادام وتا جاساتۋعا شەشىم قابىلداعان.
«كەيىنگى كەزدەرى وسى اۋرۋعا بايلانىستى كومپيۋتەردە جۇمىس ىستەي المادىم, بار زەيىنىمدى جۇمىسقا اۋدارا المادىم. كۇن سايىن وسى جاعداي مەنى تۇيىققا تىرەي باستادى, سونىمەن قاتار توقتاۋسىز دىرىلدەن ۇيقىم بۇزىلدى. وتادان كەيىن ءوزىمدى الدەقايدا جاقسى سەزىنەمىن. ءدىرىل ەندى مازالامايدى. سوعان وتە قۋانىشتىمىن. وڭ قولىم دا, سول قولىم دا تولىعىمەن قالپىنا كەلدى. بۇعان دەيىن سول قولىم ىرقىما مۇلدەم باعىنباعان كەزدە, ءدىرىلدىڭ قاتتى بولعانى سونشالىق, ول وڭ قولىما دا بەرىلەتىن ەدى. وتادان كەيىن ءبارى كەرەمەت», دەدى ناۋقاس.
ناۋقاسقا وتا جاساعان تامىرلى جانە فۋنكتسيونالدى نەيروحيرۋرگيا بولىمشەسىنىڭ نەيروحيرۋرگ-دارىگەرى شىڭعىس ساعادات ۇلى نۇريمانوۆ وتانىڭ ءمانىسىن ەگجەي-تەگجەيلى بايانداپ بەردى. «وتا كۆوتا بويىنشا, ءمامس اياسىندا جۇرگىزىلدى. ءبىز ناۋقاسقا «وڭ جاق ستەرەوتاكتيكالىق تالاموتوميا» وتاسىن جاسادىق. باسقاشا ايتقاندا, ناۋقاس باس سۇيەگى ارقىلى ميدىڭ ورتاسىنا تەرەڭ ەنىپ, سۋبتالاميكالىق يادروعا توك وتەتىن كىشكەنتاي ەلەكترودتار ەنگىزىلدى. قۇرىلعى اۋرۋدان زارداپ شەككەن مي جاسۋشالارىنىڭ جۇمىسىن تەرەڭ ىنتالاندىرادى. يمپۋلستار ميدىڭ زاقىمدالعان بولىكتەرىنە تىكەلەي ەنىپ, ولاردىڭ قىزمەتىن تەزدەتەدى. وسىلايشا, پاركينسون اۋرۋىنىڭ بەلگىلەرىن جەڭىلدەتۋگە مۇمكىندىك بەرەدى جانە ونىڭ اعىمىن باياۋلاتادى», دەپ ءتۇسىندىردى نەيروحيرۋرگ-دارىگەر شىڭعىس ساعادات ۇلى.
الايدا, مۇنداي وتا جاساۋ ءۇشىن ناقتى كورسەتىمدەر جانە قارسى كورسەتىمدەر بار. سونىمەن قاتار, اسقىنعان اۋرۋى بار جانە ەستە ساقتاۋ قابىلەتى ناشار ناۋقاستارعا مۇنداي يمپلانتتى ورنىقتىرۋ ناتيجەلى بولا قويمايدى.
