كوللاجدى جاساعان قونىسباي شەجىمباي, «EQ»
وسى سالتاناتتى ءىس-شارانىڭ شىمىلدىعىن تۇرۋگە شۆەيتساريانىڭ ەكونوميكا جانە مەنەدجمەنت بويىنشا قولدانبالى عىلىمدار مەكتەبىنىڭ رەكتورى دومينيك دجوردان ارنايى كەلدى. اتالعان جوبانىڭ قازاققا بەرەر ماڭىزى زور. نەگە دەسەڭىز, Open Space فورماتى ءاربىر ازاماتتى كوشباسشىلىققا جەتەلەپ, كرەاتيۆتى ويلاۋعا سەپ بولادى. ول از دەسەڭىز, قارجىلىق جانە مەديا ساۋاتتىلىقتان باستاپ, الەمدىك جانە قازاقستاندىق كلاسسيكتەردىڭ شىعارمالارىن ەركىن مەڭگەرۋگە جول اشادى. وقىرماننىڭ ءبىلىم دەڭگەيى مەن وي-ءورىسىن بايىتادى. بۇل جوبا سونىسىمەن قۇندى.
ء«بىلىم ىزدەۋگە تىلەك ءبىلدىرۋشى ءاربىر جاننىڭ ۇسىنىسى ءبىز ءۇشىن قىمبات. اقپاراتتىق تەحنولوگيا دامىعان زاماندا تۇتىنۋشىنىڭ تىلەگىنە قۇلاق اسۋ ماڭىزدى. ءبىزدىڭ ەلدە بۇل جۇيە جاقسى دامىعان. ەندى ويىمىزدى, ۇسىنىمىزدى سىزدەرمەن ءبولىسىپ وتىرمىز. يگىلىكتى ءىستى قولعا العاندارىڭىزعا العىسىم شەكسىز. ويلى ءارى ساۋاتتى قوعامدى قالىپتاستىرۋعا كۇش سالايىق», دەدى د.دجوردان.
وسى قۋانىشتى وقيعانى بولىسۋگە استانا قالاسى تىلدەردى دامىتۋ جانە ارحيۆ ءىسى باسقارماسىنىڭ باسشىسى ساكەن ەسىركەپ, ۇلتتىق ارحيۆ ديرەكتورى ساعيلا نۇرلانوۆا, سونداي-اق عىلىم جانە جوعارى ءبىلىم ءمينيسترىنىڭ كەڭەسشىسى مەيىر ەسكەندىروۆ كەلدى. ولار اق تىلەگىن اقتارىپ, شۆەيتساريادان كەلگەن قوناققا العىسىن جاۋدىردى.
