اۋكتسيوندىق ساۋدا-ساتتىققا 10 كومپانيا قاتىستى. جەس جوبالارىن ىرىكتەۋ بويىنشا اۋكتسيوندىق ساۋدا-ساتتىقتى وتكىزۋ كەزىندەگى شەكتى اۋكتسيوندىق باعا 2022 جىلى 21,53 تگ/كۆتساعاتتى قۇرادى.
ساۋدا-ساتتىق سەسسياسىن وتكىزۋ بارىسىندا اۋكتسيوندىق ساۋدا-ساتتىققا قاتىسۋشىلاردان الىنعان وتىنىمدەردىڭ باعا دياپازونى 21,53-تەن 12,99 تگ/كۆتساعاتتى قۇرادى.
اۋكتسيوندىق ساۋدا ساتتىق قورىتىندىسى بويىنشا جەڭىمپاز بولىپ جوبانىڭ بەلگىلەنگەن قۋاتى 50 مۆت, 14,51 تگ/كۆتساعاتتى اۋكتسيوندىق باعاسىمەن «Next Green Energy» جشس (قحر) انىقتالدى.
«اۋكتسيوندىق باعا 39,7%-عا تومەندەدى, بۇل جاقسى ناتيجە. اۋكتسيوندىق ساۋدا-ساتتىق نەعۇرلىم ءتيىمدى جوبالاردى ىرىكتەۋگە جانە جەك وبەكتىلەرى وندىرەتىن ەلەكتر ەنەرگياسىنا نارىقتىق باسەكەلەستىك باعالاردى قالىپتاستىرۋعا باعىتتالعان. اۋكتسيوندىق ساۋدا-ساتتىقتى وتكىزۋ كەزىندە بايقاۋشىلار رەتىندە قازاقستان رەسپۋبليكاسى ەنەرگەتيكا مينيسترلىگىنىڭ, «Ecojer» زتب, «KazEnergy» زتب, «قازاقستان ەلەكتر ەنەرگەتيكالىق قاۋىمداستىعى» زتب, Qazaq Green قاۋىمداستىعى جانە «ەەقرقو» اق وكىلدەرى قاتىستى. بايقاۋشىلار اۋكتسيوندىق ساۋدا-ساتتىقتاردىڭ بەكىتىلگەن نورماتيۆتىك قۇقىقتىق اكتىلەرگە سايكەس وتكىزىلۋىن اتاپ ءوتتى جانە اۋكتسيوندى ۇيىمداستىرۋشى – «ەەقرقو» اق ەلەكتروندىق ساۋدا جۇيەسى جۇمىسىنىڭ اشىقتىعىن راستادى», دەلىنگەن ۆەدومستۆو حابارلاماسىندا.
