– بۇگىنگى كۇن ەلىمىز ءۇشىن وتە ماڭىزدى. مەملەكەتتىڭ بولاشاعىن قالىپتاستىراتىن ۇلكەن ساياسي ءىس-شارا وتۋدە. تاڭەرتەڭنەن بەرى وبلىس بويىنشا 745 سايلاۋ ۋچاسكەسى جۇمىس ىستەپ جاتىر. ۋچاسكەلەردە سايلاۋ كوميسسيالارىنىڭ دا, تاۋەلسىز باقىلاۋشىلاردىڭ دا جۇمىسىنا قاجەتتى بارلىق جاعداي جاسالعان. سايلاۋ ۋچاسكەلەرىندە جۇمىس ىستەپ جۇرگەندەردىڭ بارلىعىنا العىسىمدى بىلدىرەمىن, – دەدى ايماق باسشىسى.
ايتا كەتەيىك, بۇگىن ەلىمىزدە كەزەكتەن تىس پرەزيدەنت سايلاۋى وتۋدە. بۇعان دەيىن حابارلاعانداي, ساعات 14:00-دەگى جاعداي بويىنشا 11 ملن 950 مىڭ 485 ازامات داۋىس بەرۋ بيۋلەتەنىنە يە, ونىڭ ىشىندە 6 113 621 ادام ءوز تاڭداۋىن جاساعان, بۇل تىزىمدەگى بارلىق ادامنىڭ 51,16 پايىزىن قۇرايدى.
