بارلىعى 600 سايلاۋ ۋچاسكەسى اشىلدى, ونىڭ التاۋى تاڭعى ساعات 6.00-دە ءوز جۇمىسىن باستادى (اسكەري مەكەمەلەردە), قالعاندارى تاڭعى ساعات 7.00-دە اشىلدى. 55 سايلاۋ ۋچاسكەسىندە تىركەلمەگەن ازاماتتار داۋىس بەرە الادى, تاعى ءبىر ەرەكشەلىگى 68 سايلاۋ ۋچاسكەسى سايلاۋشىلار داۋىس بەرگەن بويدا كەز كەلگەن ۋاقىتتا جۇمىسىن توقتاتا الادى. الماتىدا بارلىعى 1 ميلليون 176 مىڭ سايلاۋشى بار.
بارلىعى 8 اۋداندىق جانە ءبىر قالالىق كوميسسيا جۇمىس ىستەپ جاتىر. جاننا اسانوۆانىڭ ايتۋىنشا, تاڭەرتەڭنەن سايلاۋ ۋچاسكەلەرىندە داۋىس بەرۋشىلەردىڭ قاراسى قالىڭ.
«ترەنينگ بارىسىندا تەوريالىق بولىمنەن باسقا, وتكەن ناۋقانداردىڭ تاجىريبەسىنەن قالىپتاسقان كەيستەر پىسىقتالدى. زاڭعا سايكەس, ەگەر سايلاۋشى بيۋللەتەندى ءوز بەتىمەن تولتىرا الماسا, ول سەنىم بىلدىرگەن ادامنىڭ كومەگىن پايدالانۋعا قۇقىلى, بىراق ول ادام سايلاۋ كوميسسياسىنىڭ مۇشەسى, باق وكىلى نەمەسە كانديداتتىڭ سەنىمدى وكىل بولا المايدى», دەيدى ول.
الماتىدا 43 مىڭنان استام مۇمكىندىگى شەكتەۋلى ادام تىركەلگەن, ولار ءۇشىن ينۆاتاكسي جۇمىس ىستەيتىن بولادى, ولاردىڭ جۇمىسىن جەرگىلىكتى اتقارۋشى ورگاندار رەتتەيدى.
