سۋرەتتەردى تۇسىرگەن يۋري بەككەر
اسىق اتىپ, ارقان تارتىسقان, توعىزقۇمالاق تاقتاسىنا قاراپ ويلانىپ, جەر كىلەمدە «بەس اسىق» ويناعان بالالار بەينەسى اسەم-اق. وسكەلەڭ ۇرپاقتىڭ ويىنداردىڭ اتىنا عانا ەمەس, زاتىنا دا قانىق ەكەندىگى قۋانتادى. اسىرەسە اسىق اتۋدا باسەكەلەستىك مىقتى بولدى. بىرنەشە كەزەڭگە سوزىلعان ويىندا اسىق اتۋ جانە ارقان تارتۋ بويىنشا №17 مەكتەپ-ينتەرنات جۇلدەلى ءبىرىنشى ورىندى يەلەنسە, توعىزقۇمالاق بويىنشا №4 مەكتەپ-ينتەرنات كوش باستادى. ال «بەس اسىق» ويىنىندا قوجبقو كمم-نەن كەلگەن قاتىسۋشى ولەسيا گولوبورودكو توپ جاردى. اتالعان ويىندا تورەشىلىك جاساعان الماتى قالاسى اسىق اتۋ فەدەراتسياسىنىڭ وكىلى اسان قاجياحمەت ۇلى ويىننىڭ فورماتى مەن ەرەجەلەرى ناقتىلانىپ, بالالار اراسىندا تانىمالدىلىققا يە بولىپ كەلە جاتقاندىعىن ايتادى. ال اعا بۋىن وكىلدەرى وزدەرى «بەس تاس» اتاعان بۇل ويىننىڭ قىراعىلىق پەن كورۋ قابىلەتىن جاقسارتاتىنىن العا تارتىپ, بالالىق شاقتارىن ەسكە الىستى.
مۋزەيدىڭ مادەنيەت جانە ءبىلىم ءبولىمىنىڭ جەتەكشىسى اننا كۋششەنكو: «ۇلتتىق ءداستۇر مەن مادەنيەتتى دارىپتەۋ – مۋزەيدىڭ باستى مىندەتى. بۇگىنگى سايىستىڭ دا ماقساتى سول – ۇلتتىق ويىنداردى جاستار اراسىندا ناسيحاتتاۋ. ويىن, سايىس فورماتى تەك سوزبەن ءتۇسىندىرىپ, سۋرەتتەن كورسەتۋگە قاراعاندا ۇلتتىق ويىنداردى تانىتۋدا ءتيىمدى بولادى دەگەن ويمەن العاشقى رەت وتكىزىلىپ وتىرعان «مۋزەي كۋبوگى» ءتۋرنيرى ەندى جىل سايىن ءداستۇرلى تۇردە ۇيىمداستىرىلماق», دەدى.
ەسكە سالا كەتەيىك, ۇلتتىق ويىندار قازاقستاننىڭ مەكتەپ باعدارلاماسىنا ەنگىزىلگەن. دەنە شىنىقتىرۋ پانىندە وقۋشىلار «قازاقشا كۇرەس», «توعىزقۇمالاق», «اسىق اتۋ» ساباقتارىن وقيدى.
الماتى
