G20 سامميتىنە قاتىسۋ ءۇشىن كەلە جاتقان اقش پرەزيدەنتى كورتەجىنىڭ الدىندا جەكە پيكەت وتكىزبەك بولعان يندونەزيالىق ايەلدى پوليتسيا قاماۋعا الدى. بۇل تۋرالى جەرگىلىكتى Kompas پورتالى حابارلاعان.
ءوز نارازىلىعىن بىلدىرمەك بولعان ايەلدىڭ ارەكەتىنەن ەش ناتيجە شىقپاعان. سەبەبى وقيعا ورنىنداعى كەزەكشى پوليتسيا قىزمەتكەرلەرى ونى توقتاتىپ ۇلگەرگەن.
«ول قولىنداعى پوستەرلەردى اشىپ تا ۇلگەرمەدى», دەدى بالي پوليتسياسىنىڭ قوعاممەن بايلانىس ءبولىمىنىڭ باسشىسى كومبەس سەتيانتو.
ايەلدىڭ قولىنداعى قاعازدا «سوعىستى توقتاتىڭىز. ادام قۇقىعى. الەم» دەگەن سوزدەر جازىلعان.
كومبەس سەتيانتو ايەلدىڭ باليگە 11 قاراشادا دوستارىمەن دەمالۋ ءۇشىن كەلگەنىن اتاپ ءوتتى. ول بايدەننىڭ ۋاقىت كەستەسىن G20 ءسامميتىنىڭ تىكەلەي ەفيرىنەن ءبىلىپ, جەكە پيكەت وتكىزبەك بولعان.
