قازاقستاندا ءبىر وقۋشىعا شامامەن 400 مىڭنان 1,2 ميلليون تەڭگەگە دەيىن قارجى بولىنەدى. بۇل تۋرالى ءماسليحات وتىرىسىندا استانا قالاسى ءبىلىم باسقارماسىنىڭ باسشىسى قاسىمحان سەنعازيەۆ ايتتى.
«بىزدەگى وقۋشىلارعا 400-450 مىڭ تەڭگە قارجىلاندىرىلسا, ينكليۋزيۆتى ءبىلىم بەرەتىن ارنايى مەكەمەنىڭ وقۋشىلارىنا جىلىنا 1-1,2 ميلليون تەڭگەگە دەيىن قارجى جۇمسالادى», دەدى ق.سەنعازيەۆ.
ونىڭ ايتۋىنشا, استاناداعى مەكتەپ تاماعىنىڭ باعاسى ءبىر بالاعا كۇنىنە 449 تەڭگەنى قۇرايدى. بۇل ەلدەگى ەڭ تومەن باعالاردىڭ ءبىرى. سونداي-اق مۇنداي باعا الماتى, اتىراۋ جانە پاۆلودار قالالارىندا ساقتالعان. باسقا وڭىرلەردە ءبىر بالانى تاماقتاندىرۋعا كۇنىنە 800 تەڭگەدەن استام قارجى بولىنەدى.
«اسپازدار قاۋىمداستىعىمەن, تاعامتانۋ ينستيتۋتىمەن سويلەستىك, ولاردىڭ بارلىعى ءبىزدىڭ قازىرگى ءمازىردى قاراپ, ونىڭ بارلىق نورمالار مەن ستاندارتتارعا سايكەس كەلەتىنىن ايتتى. بىراق ءوزىمىز قالاعان نارسەنى ىستەۋ ءۇشىن ءبىز شىعىنداردى كوتەرۋىمىز كەرەك. قولدانىستاعى باعامەن جاڭا اس ءمازىرى ءبىز قالاعانداي بولمايدى», دەدى ول.
سونداي-اق جىل سوڭىنا دەيىن بۇل باعا 10 پايىزعا, 2023 جىلى 20 پايىزعا كوتەرىلەدى. ال كەلەسى جىلى حالىقتىڭ ءالجۋاز توپتارىنداعى وقۋشىلاردى تاماقتاندىرۋعا 12,1 ملرد تەڭگە بولىنەدى.
