قانات مۋسين 2023 جىلى 34 زاڭ جوباسىن ازىرلەۋ كوزدەلگەنىن, ونىڭ ىشىندە ءبىرىنشى جارتىجىلدىقتا پارلامەنتكە 15 زاڭ جوباسىن جانە ەكىنشى جارتىجىلدىقتا 19 زاڭ جوباسىن ەنگىزۋ قاجەت ەكەنىن ايتتى.
جالپى ءمينيستردىڭ دەرەكتەرى بويىنشا, جوسپاردىڭ جوباسى پرەزيدەنت جانە مەملەكەتتىڭ ستراتەگيالىق قۇجاتتارى ايقىنداعان مىندەتتەر نەگىزىندە قالىپتاستىرىلعان.
«قالا قۇرىلىسى كودەكسىن جانە بيۋدجەت كودەكسىن, جەر قويناۋىن پايدالانۋ, مەملەكەتتىك-جەكەشەلىك ارىپتەستىك, كوشى-قون, مەملەكەتتىك ساتىپ الۋ, سالىق سالۋ, سونداي-اق اكىمشىلىك ادىلەتتى, قىلمىستىق, قىلمىستىق-پروتسەستىك جانە اكىمشىلىك زاڭنامالاردى جەتىلدىرۋ ماسەلەلەرى بويىنشا زاڭ جوبالارىن ازىرلەۋ كوزدەلگەن», دەدى قانات مۋسين.
ادىلەت مينيسترلىگىنىڭ باسشىسى سۋ كودەكسىن, سونداي-اق تۇتىنۋشىلاردىڭ قۇقىقتارىن, بۇقارالىق اقپارات قۇرالدارى مەن اكۆامادەنيەتتى قورعاۋ بولىگىندە جاڭا رەداكتسياداعى زاڭ جوبالارىن ازىرلەۋ جوسپارلانعانىن قوسا ايتتى.
