قوعام • 14 قاراشا، 2022

سوت مەنى تەك اقتاۋى مۇمكىن - باقىتگۇل حامەنوۆا

130 رەت كورسەتىلدى

اتىراۋ وبلىسى اكىمىنىڭ بۇرىنعى ورىنباسارى باقىتگۇل حامەنوۆاعا سوت شەشىمىنە دەيىنگى سوڭعى ءسوز بەرىلدى. بۇگىن اتىراۋ قالاسىنىڭ №2 سوتىندا سوتتالۋشى حامەنوۆا ءسوز سويلەدى، دەپ حابارلايدى Egemen.kz.

«مەن بۇل قىلمىستىق وقيعاعا قاتىسقان جوقپىن. زاڭعا سايكەس سوت مەنى تەك اقتاۋى مۇمكىن»، دەدى حامەنوۆا سوت الدىندا.

ەسكە سالايىق، اتىراۋ وبلىسى اكىمىنىڭ بۇرىنعى ورىنباسارى باقىتگۇل حامەنوۆاعا ءبىر توپ ادامنان الدىن الا ءسوز بايلاسۋ ارقىلى پارا الدى دەگەن ايىپ تاعىلعان ەدى. وسى باپ بويىنشا وبلىستىق مادەنيەت باسقارماسىنىڭ بۇرىنعى باسشىسى اقىلبەك رىسقاليەۆ تە قاماۋعا الىنعان.

ال ءۇشىنشى سوتتالۋشى «بالقىتۋ» جشس ديرەكتورى ءومىرتاي اداموۆ مەملەكەتتىك فۋنكتسيالاردى ورىنداۋعا ۋاكىلەتتىك بەرىلگەن ادامعا ءىرى مولشەردە پارا بەردى دەپ ايىپتالدى.

2021 جىلعى 11 جەلتوقساندا اتىراۋ وبلىسى اكىمىنىڭ ورىنباسارى باقىتگۇل حامەنوۆانىڭ ۇستالعانى تۋرالى بەلگىلى بولدى.

2021 جىلدىڭ 12 جەلتوقسانىندا حامەنوۆا ءۇي قاماعىنا الىندى. سوت ونىڭ «جالعىزباستى ايەل» ەكەنىن، ەكى بالانى تاربيەلەپ وتىرعانىن، ولاردىڭ ءبىرى بالا كەزىنەن مۇگەدەك ەكەنىن، اسىراۋىندا قارت اناسى بارىن ەسكەردى.

2021 جىلدىڭ 23 جەلتوقسانىندا حامەنوۆا تەرگەۋ يزولياتورىنا اۋىستىرىلدى. 

 

سوڭعى جاڭالىقتار

بۇگىنگى ۆاليۋتا باعامى

قارجى • بۇگىن، 09:55

ۇقساس جاڭالىقتار