8 قاراشادا جەدەل-ىزدەستىرۋ ءىس-شارالارى بارىسىندا ەسىرتكىنىڭ زاڭسىز اينالىمىنا قاتىسى بار قوستاناي قالاسىنىڭ بەس تۇرعىنى ۇستالدى.
«ۇستالعانداردىڭ ءبىرىنىڭ ۇيىنەن 45 پوليەتيلەن بايلامى, سونداي-اق ەرەكشە ءيىسى بار جاسىل ءتۇستى زاتتىڭ كولەمدى قاپشىعى تاركىلەندى. تاركىلەنگەن ەسىرتكىنىڭ جالپى سالماعى شامامەن 20 كەلىنى قۇرادى. سونداي-اق تەكسەرۋ بارىسىندا ارنايى جابدىقتالعان ەكى بولمە-جىلىجاي تابىلدى, وندا جارىق شامدارىنىڭ استىندا قاراسورا وسىمدىكتەرى وسىرىلگەن», دەدى قوستاناي وبلىسى پوليتسيا دەپارتامەنتىنىڭ باستىعى ومان وماربەكوۆ.
