«جالپى, ءار وڭىردەگى ىسكەر ازاماتتار, ەڭ الدىمەن, ءوزىنىڭ تۋعان جەرىن كوركەيتۋگە اتسالىسۋى كەرەك. ءبىز قوعامدا ءوزارا جاۋاپكەرشىلىك يدەولوگياسىن, مەتسەناتتىق قىزمەتتى دارىپتەي بەرۋىمىز قاجەت. مۇنىڭ ءبارى وركەنيەتتى قوعام قۇرۋ ءۇشىن وتە ماڭىزدى.اركىم «اتىراۋعا اكەلەر مە ەم ءبىر تاۋدى» دەپ جىرلاعان تابىلدى دوسىموۆ سياقتى تۋعان جەرىن سۇيە السا, تۋعان ەلىنىڭ دامۋىنا ۇلەس قوسسا, وتانىمىز وركەندەي تۇسەرى ءسوزسىز. باتىس ايماقتارعا كەلگەندە ءاليا, مانشۇك, حيۋاز سياقتى قاھارمان قىزدارىمىز تۋرالى ايتپاۋ مۇمكىن ەمەس. حالقىمىز قاشاندا باتىرلارىن باعالاي بىلگەن. وسى ايماقتاعى اۋەجايلارىمىز قازاقتىڭ 3 باتىر قىزىنىڭ ەسىمىمەن اتالۋى – سونىڭ ايقىن كورىنىسى. «ەر ەسىمى – ەل ەسىندە» دەگەن ءسوز بار. ءبىز ۇرپاقتىڭ ساناسى سەرگەك بولسىن دەسەك, ەل ءۇشىن ەرلىك جاساعان ۇل-قىزدارىمىزدىڭ ەسىمىن ەستە ساقتاۋىمىز كەرەك. بۇل – مەن ءۇشىن مىزعىماس ۇستانىم», دەپ ءسوزىن اياقتادى مەملەكەت باسىشىسى اتىراۋ وبلىسىنىڭ جۇرتشىلىعىمەن كەزدەسۋ بارىسىندا.
