«بالىق شارۋاشىلىعىمەن اينالىساتىن كووپەراتيۆتەردىڭ تەحنيكاسىن جاڭارتۋ قاجەت. وسى جەردىڭ اۋلانعان بالىعى رەسەي, ازەربايجان, يزرايل سياقتى ەلدەرگە ەكسپورتتالىپ جاتىر. كوبىنە مۇزداتىلعان, وڭدەلمەگەن شيكى بالىق جىبەرىلەدى», دەدى قاسىم-جومارت توقاەۆ.
بۇل رەتتە پرەزيدەنت وڭدەلمەگەن بالىقتى شەتەلگە شىعارۋعا شەكتەۋ قويۋ مۇمكىندىگىن قاراستىرۋ قاجەت دەپ سانايدى.
«اتىراۋ وبلىسىندا بەكىرە بالىعىن وسىرەتىن جانە قارا ۋىلدىرىق وندىرەتىن ەكى شارۋاشىلىق بار. 2025 جىلعا دەيىن وسىنداي تاعى 8 كاسىپورىن اشۋ جوسپارلانىپ وتىر. مۇنداي شارۋاشىلىقتى دامىتۋ ءۇشىن قولايلى ينۆەستيتسيالىق احۋال قالىپتاستىرۋ كەرەك. سونداي-اق, وسى جۇمىستاردى اتقاراتىن بالىق شارۋاشىلىعىنىڭ ماماندارى قاجەت. جاستاردى وسى ىسكە باۋلىپ, ولارعا جان-جاقتى قولداۋ كورسەتۋ وتە ماڭىزدى. سوندا عانا جاستار بۇل سالاعا قىزىعادى», دەپ اتاپ ءوتتى مەملەكەت باسشىسى.
قاسىم-جومارت توقاەۆ ۇكىمەت بالىق شارۋاشىلىعىن دامىتۋ ماسەلەسىنە قولداۋ كورسەتۋ قاجەت ەكەنىن قاداپ ايتتى.
«مەملەكەت تاراپىنان كومەك كورسەتىلۋى قاجەت. وسى ايماقتا بالىق شارۋاشىلىعىن دامىتۋ جەرگىلىكتى بيلىك ءۇشىن باستى مىندەتتىڭ ءبىرى بولۋعا ءتيىس. ۇكىمەت بۇل ماسەلە بويىنشا وبلىسقا بارىنشا قولداۋ كورسەتۋى كەرەك», دەپ تۇيىندەدى پرەزيدەنت.
