دەپۋتاتتىڭ ايتۋىنشا, ارال ءوڭىرى تۇرعىندارىنىڭ دەنساۋلىق كورسەتكىشتەرى جاقسارعان جوق.
«وڭىردەگى دەنساۋلىق ساقتاۋ جۇيەسى جەرگىلىكتى حالىقتىڭ اۋرۋشاڭدىعى, مۇگەدەكتىك پەن ءولىم-ءجىتىمىنىڭ كوپتىگى بويىنشا اسا كۇردەلى سىن-قاتەرلەرگە تاپ بولىپ وتىر. سوڭعى 5 جىلدا ارال وڭىرىندە تۋ كورسەتكىشى 13,6%-عا تومەندەدى. حالىقتىڭ تابيعي ءوسىمى 12,4%-عا ازايدى. وڭىردە تۇراتىن جۇكتى ايەلدەردىڭ دەنساۋلىق يندەكسى رەسپۋبليكالىق كورسەتكىشتەن 1,6 ەسە تومەن. سابيلەر شەتىنەۋىنىڭ كورسەتكىشى ءداستۇرلى تۇردە رەسپۋبليكالىق كورسەتكىشتەن جوعارى بولىپ, ءالى دە ازايماي وتىر», دەدى اقمارال ءالنازاروۆا.
بۇل رەتتە دەپۋتات ەكولوگيالىق جانە كليماتتىق داعدارىس جاعدايىندا دەنساۋلىق ساقتاۋ سالاسىنداعى وڭىرلىك قاۋىپسىزدىكتى قامتاماسىز ەتۋ جونىندەگى باعدارلاما ازىرلەۋدى ۇسىندى.
«باعدارلامانى ىسكە اسىرۋ جانە ماسەلەلەردى كەشەندى شەشۋ ءۇشىن ءبىز قازاقستان رەسپۋبليكاسى مەن وزبەكستان رەسپۋبليكاسى پارلامەنتشىلەرىنىڭ ءوزارا ءىس-قيمىلىن ودان ءارى كۇشەيتىپ, باعدارلامانى قارجىلاندىرۋ كوزىن ىزدەستىرۋىمىز قاجەت», دەدى سەناتور.
