ايتا كەتسەك, اۋقىمدى فەستيۆال الماتى قالاسى اكىمدىگىنىڭ قولداۋىمەن 2013 جىلدان بەرى جىل سايىن وتكىزىلىپ كەلەدى.
جوبانىڭ باستى ماقساتى - وقىرمان مادەنيەتىن دامىتىپ, جازۋشىلار مەن ولاردىڭ وقىرماندارى ءۇشىن بىرىڭعاي الاڭ قۇرىپ, بالالار مەن جاستار اراسىندا كىتاپقا دەگەن قىزىعۋشىلىقتى ارتتىرۋ.
«8 جىل ىشىندە Kitap Fest الماتىنىڭ كىتاپ سۇيەر قاۋىمى ءۇشىن عانا ەمەس, بارلىق قازاقستاندىقتار ءۇشىن سۇيىكتى الاڭعا اينالدى. 2019 جىلى فەستيۆالدى ەلوردادا وتكىزدىك جانە جىل سايىن مۇمكىندىكتەر شەكاراسىن كەڭەيتىپ, ۇزدىكسىز دامۋعا تىرىسامىز. جاقىن ارادا كىتاپ فەستيۆالىن ەلىمىزدىڭ باسقا قالالارى مەن وڭىرلەرىندە دە وتكىزۋدى جوسپارلاپ وتىرمىز, سەبەبى وعان ۇلكەن قىزىعۋشىلىق پەن سۇرانىس بار», دەدى Kitap FEST كىتاپ فەستيۆالىنىڭ باس ۇيلەستىرۋشىسى مايرا ءالجانوۆا.
10 ساعاتتىق Kitap FEST فەستيۆالىنىڭ مادەني باعدارلاماسىندا - فەستيۆال قوناقتارى كىتاپتارمەن ءوزارا الماسۋعا, ۇناعان كىتاپتاردى جەڭىلدىكپەن ساتىپ الۋعا نەمەسە ولاردى تولىعىمەن تەگىن الۋعا مۇمكىندىك الدى. بيىلعى كىتاپ فەستيۆالىندە ءار ءتۇرلى جانرداعى 3000-نان اسا كىتاپ تەگىن تاراتىلدى.
فەستيۆالدە 30-عا جۋىق جازۋشى, ماسەلەن ەرمەك تۇرسىنوۆ, اسەل ساپاقوۆا, ليليا كالاۋس, كونستانتين ناگاەۆ جانە باسقا دا كوپتەگەن اۆتورلار وزدەرىنىڭ جاڭا كىتاپتارىن تانىستىردى. قالامگەرلەر قازىرگى ادەبيەتتەگى وزگەرىپ جاتقان تەندەنتسيا تۋرالى ءوز ويلارىمەن ءبولىستى. «وفلاين كىتاپتار تۋرالى» شاتىردا تانىمال بالالار جازۋشىلارى جانە بلوگەرلەر قاۋىمى ءوز تاجىريبەلەرىمەن ءبولىستى. كىتاپ جارمەڭكەسىندە كىتاپ دۇكەندەرى, باسپاگەرلەر جانە ينتەرنەت-دۇكەندەرى ءوز ونىمدەرىن كورمەدە 20%-عا دەيىنگى جەڭىلدىكپەن ساتتى. بالالارعا ارنالعان ويىن-ساۋىق باعدارلاماسى اياسىندا انيماتورلار, تەاتر قويىلىمدارى, شەبەرلىك سىنىپتارى, اكۆاگريم مەن ءتۇرلى قىزىقتى بايقاۋلار كەلگەن قوناقتارعا تاماشا كوڭىل-كۇي سىيلادى.
فەستيۆال شەڭبەرىندە العاش رەت «اۋىلعا كىتاپ» اكتسياسى وتكىزىلدى, وندا كەز-كەلگەن وقىرمان ءوز كىتابىن اكەلىپ, قازاقستاننىڭ اۋىلدىق كىتاپحانالارىنا تاپسىرۋعا كومەكتەستى.
قازاقستاندىق بەلگىلى جازۋشى جانە ستسەناريست ليلا كالاۋس باتۋ مەن ونىڭ دوستارىنىڭ شىتىرمان وقيعالارى تۋرالى جاڭا كىتابىن ۇسىندى. جازۋشىنىڭ پىكىرىنشە, Kitap Fest شىعارماشىلىق كەزدەسۋلەر ءۇشىن بەدەلدى جانە قۋاتتى الاڭعا اينالدى.
«قازاق ءتىلدى كىتاپتاردىڭ اسسورتيمەنتى كەڭەيىپ كەلە جاتقانى قۋانتادى. سوڭعى جىلدارى كوپ تۋىندى قازاق تىلىنە اۋدارىلدى. قازاق تىلىندەگى كىتاپتاردىڭ كوپتىگى وتە جاقسى, ءبىز وتە دۇرىس باعىتتا كەلە جاتىرمىز», دەيدى جازۋشى.
فەستيۆالدە «ماما, قازاقشا سويلەشى» ورىس-قازاق سوزدىگىنىڭ جانە قازاق تىلىندەگى بالالاردى دامىتۋ كىتاپتارىنىڭ اۆتورى اسەل ساپاقوۆا بالانىڭ جەكە باسىنىڭ دامۋىنداعى ادەبيەتتىڭ ءرولى تۋرالى ايتىپ بەردى.
«ۇيىمداستىرۋشىلارعا وسىنداي كەرەمەت ءىس-شارا ءۇشىن العىس ايتقىم كەلەدى. بيىل فەستيۆالدە حالىق سانى كوپ بولدى, ءبىزدىڭ ماقساتتى اۋديتوريامىزدىڭ كوپ بولىگى كەلدى دەسەك تە بولادى. بارلىق كىتاپتار دەرلىك ساتىلدى. وسىنداي شارالاردىڭ وركەندەۋىن جانە كىتاپسۇيەر قاۋىمنىڭ قاتارى ارتسىن دەپ تىلەيمىن», دەپ اتاپ ءوتتى جازۋشى.
