قازاقستان قۇراماسى 7 التىن, 8 كۇمىس جانە 10 قولا جۇلدەگە يە بولدى.
جاستار اراسىندا 61,2 كەلى سالماقتا فينالدىق بەلدەسۋدە ادەل ماحامەتوۆا (الماتى وبلىسى) وزبەك سپورتشىسى زەبينيسو وتاكۋلوۆانى ءۇشىنشى راۋندتا تەحنيكالىق نوكاۋتپەن اياقتاپ, قازاقستان قورجىنىنا العاشقى التىندى سالدى.
جاستار اراسىندا 56,7 كەلىگە دەيىنگى سالماقتا ەرسۇلتان شاكەنباي (استانا ق.) فينالدىق بەلدەسۋدە تورەشىلەردىڭ شەشىمىمەن موڭعوليالىق وتگونبااتار بولتبااتاردى جەڭىپ, سپورتتىق مانسابىنداعى تاعى ءبىر التىندى قانجىعاسىنا بايلادى. ايتا كەتەيىك, ەرسۇلتان 16-17 جاس ارالىعىنداعى جاسوسپىرىمدەر, 18-20 جاس ارالىعىنداعى جاستار اراسىندا الەم چەمپيونى, ورتالىق ازيا, ەۋروپا چەمپيونى, ال ەندى ازيا چەمپيونى اتاعىن دا باعىندىردى.
83,9 كەلىگە دەيىنگى ورتا سالماقتا (جاستار) فينالدا ەكى قازاقستاندىق – دەنيس چەرەپەنكو (جامبىل وبلىسى) مەن دياس وسەر (الماتى ق.) كەزدەستى. ءۇش راۋند بويى بەلدەسىپ, دياس وسەر ءبىراۋىزدان جەڭىسكە جەتىپ, مما بويىنشا ازيا چەمپيونى اتاندى. چەرەپەنكو ەكىنشى ورىندى يەلەندى.
جاستار اراسىندا 65,8 كەلى سالماقتا سامعات شابدان (بقو) تورەشىلەردىڭ شەشىمىمەن تاجىكستاندىق ۋمرونجون مانسۋروۆتان ۇتىلىپ, كۇمىس جۇلدەگەر اتاندى.
ەرەسەكتەر اراسىندا 10 قازاقستاندىق سپورتشى ازيا چەمپيوناتىنىڭ «التىنىنا» تالاستى.
47,6 كەلىگە دەيىنگى سالماقتاعى العاشقى بەلدەسۋدە ەكى قازاقستاندىق قىز – تۇيمەگۇل ءجۇنىس (شىمكەنت) پەن قىمبات احمەت (تۇركىستان وبلىسى) كەزدەسۋى ءتيىس ەدى. بىراق قىزدار جەكپە-جەكسىز جەڭىس تۇعىرىن بىلايشا ءبولىستى: احمەت چەمپيون اتاندى, ءجۇنىس ەكىنشى ورىندى يەلەندى.
52,2 كەلى سالماقتا ەرۇلان قابدۋلوۆ (اتىراۋ وبلىسى) تاجىكستاندىق يسروفيل توليبزودامەن كەزدەستى. ءۇش راۋندتىڭ قورىتىندىسى بويىنشا تورەشىلەر جەڭىستى قازاقستاندىققا بەردى.
ءدال وسى سالماقتا قىزدار اراسىندا ماتيلدا باچۋرينا (اقمولا وبلىسى) باحرەين اتىنان شىققان ايزا راموسپەن كەزدەستى. باچۋرينا قولعا اۋىرتۋ ادىسىنە ءتۇسىپ, ەكىنشى ورىن الدى.
قىزدار اراسىندا 56,7 كەلىگە دەيىنگى سالماقتا ايگەرىم تورەحانوۆا (شىمكەنت ق.) باحرەين اتىنان شىعاتىن برازيليالىق فابيولا سيلۆادان تەحنيكالىق نوكاۋتپەن ۇتىلىپ, كۇمىس جۇلدەگەر اتاندى.
قىزدار اراسىندا 65,8 كەلىگە دەيىنگى سالماقتا ءمولدىر اشىربەكوۆا (الماتى وبلىسى) باحرەين سپورتشىسى سابرينا دە سوۋزادان جەڭىلىپ قالدى.
70,3 كەلىگە دەيىنگى سالماقتا بەلگىباي ادىلبەك (تۇركىستان وبلىسى) تاجىكستاندىق ماسۋد وديناەۆقا ەسە جىبەرىپ, ەكىنشى ورىندى يەلەندى.
جارتىلاي ورتا سالماقتا 77,1 كەلىگە دەيىنگى سالماقتا ونەر كورسەتكەن دوسجان كەنجەباەۆ (الماتى وبلىسى) تورەشىلەردىڭ شەشىمىمەن رامازان گيتينوۆتەن ۇتىلىپ, كۇمىس جۇلدەگەر اتاندى.
93 كەلىگە دەيىنگى سالماقتا اليك دومنيچ (استانا) انۆار لانگارچيەۆتى ءسوزسىز جەڭىپ, ازيا چەمپيونى اتاندى.
120,2 كەلىدەن جوعارى سالماق دارەجەسىندە ونەر كورسەتكەن راسۋل حاتاەۆ (ماڭعىستاۋ وبلىسى) تاجىكستاندىق شاكرۋح فاتوەۆتى قىلقىندىرۋ ادىسىمەن جەڭىپ, التىن جۇلدە الدى.
قولا جۇلدەگەرلەر:
جاستار (18-20):
52,2 كەلىگە دەيىن - دارحان يسماعۇلوۆ (قوستاناي وبلىسى)
56,7 كەلىگە دەيىن - وڭعار سماعۇل (الماتى وبلىسى)
61,2 كەلىگە دەيىن - شىڭعىس ىدىرىسوۆ (الماتى)
70,3 كەلىگە دەيىن - جانەركە جامالبەكوۆا (جامبىل وبلىسى)
77,1 كەلىگە دەيىن - دانيل گۋبين (قاراعاندى وبلىسى)
120,2 كەلىگە دەيىن - ءنۇرادىل قايىربەرگەن ۇلى (بقو)
ەرەسەكتەر (21+):
52,2 كەلىگە دەيىن - رۋسلان ءابدىراحمانوۆ (بقو)
56,7 كەلىگە دەيىن - يناس اشىربەك (الماتى وبلىسى)
61,2 كەلىگە دەيىن - سالاۋات قابي (جەتىسۋ وبلىسى)
70,3 كەلىگە دەيىن - نەيمات اسادوۆ (اتىراۋ وبلىسى)
قازاقستان قۇراماسى كوماندالىق ەسەپتە جاستار جانە ەرەسەكتەر اراسىندا ەكىنشى ورىندى يەلەندى.
